Levitiko 20:8 - Tosi Tapu

⁸ Kotou tausi aku lao fuli, ti kotou fai loa latou. Ko au ko le Eteleno leia na filifili ia koutou ke kotou liliu ko se kakai maokioki.

Levitiko 20:8 ပူးပေါင်းရင်းမြစ်များ

Ekesote 31:13

Masau ki fanau a Iselaele, ti ke pati kia latou : E kotou tokaga loa o tausi fakamalotoloto oku sapato, talie ko le fakamailoga lena ke tuumau ia koutou mo au ti mo okoutou sakoga ke iloa ai ko au ko le Eteleno leia na filifili ia koutou ke liliu ko loku kakai.

Esekiele 20:12

Ti na kau soli foki kia latou oku sapato ofaipe se fakamailoga iate au mo latou, o tupu ke lotou iloa ko au ko le Eteleno leia e fakamaokioki ia latou.

Esekiele 37:28

Ti e iloa loa e atu puleaga ko au ko le Eteleno, ti kua kau fakatapui Iselaele, ke tausi kiate au, i le aso leia e toe fakatuu ai loa loku fale tapu i lotolotoga o latou o lee gato.

Levitiko 19:19

Kotou tausi loa aku lao : Aua na ke fakaavaga loa ni manu o ni faasiga kesekese e lua. Aua na kotou to loa akoutou faisaga ki ni faasiga pulapula e lua. Aua na kotou tui loa ni kofu ki ni faasiga filo e lua.

Levitiko 19:37

Kotou tausi loa aku lao fuli mo aku fakatotonu fuli, ti kotou fai loa latou. Ko au ko le Eteleno.

Levitiko 20:26

E kotou maokioki loa kiate au, talie e kau maokioki, a au, ko le Eteleno ; kua kau fakamavae koutou mei atu puleaga, o tupu ke kotou liliu ko loku tofiga totonu.

Levitiko 21:8

E ke tio loa ki le tagata faisakilifisio e maokioki, talie e momoli e ia le nea kai o lona Atua ; e maokioki loa a ia kiate koe, talie e kau maokioki, a au, ko le Eteleno, leia e fakamaokioki ia koutou.

Levitiko 22:32

Aua na kotou fakakelekele loa loku suafa tapu, talie e kau loto ke iloa e fanau a Iselaele loku maokioki. Ko au ko le Eteleno, leia e fakamaokioki ia koutou,

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 23:17

Kau vale ti mo kau kivi ! Kofea le nea leia e mauiga ake, ko le aulo pe ko le fale tapu leia e fakatapu ia le aulo.

Mateo 5:19

Ko leia e soloi ia loa se fakatotonu e tasi o fakatotonu liliki oki ana, ti mo ako ia loa ki tagata ke fai fenaaki, e fakaigoa loa a ia ko le tagata ikiiki oki i le Puleaga o le atu lagi ; kae ko leia e fai ia loa latou, ti mo ako ia loa ke fai latou, ko ia lena e fakaigoa loa ko le tagata lasi i le Puleaga o le atu lagi.

Mateo 7:24

Koia, ko leia e logo ki folafola anei e kau fakasa ti e fai ia latou, e tatau loa a ia mo se tagata poto leia na fakatuu ia lona fale i aluga o le utu.

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Lua tosi ki le kau Tesalonika 2:13

Kia matou, fetaina alofaina i le Aliki, e tonu ke motou fakafetai tuumau ki le Atua o tupu ko koutou, talie kua filifili koutou e le Atua talu mei le kamataaga ki le saofaki, i le fakamea a le Laumalie ti mo le tui ki le maoki.

Sakopo 1:22

Kotou fai le folafola, kae aua fai na gato i lakotou logo ki ai, o kotou kakai ai koutou totonu ki ni fakakaukau sala.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !