Levitiko 20:5 - Tosi Tapu

⁵ E kau fulusi loa, e au, oku mata ki le tagata lena mo lona famili, ti e kau tuuti loa a ia mei lona kakai, mo latou fuli ala na kau mo ia ki le tausi fakalialia kia Moloke.

Levitiko 20:5 ပူးပေါင်းရင်းမြစ်များ

Lua tosi o Koloniko 21:11

Na toe fai foki e Solame ni ganea taualuga i mauga o Suta ; na toe eke fakamakeke foki e ia le kakai o Selusalemi ke fai feauaki ki taulaatua, ti na fakasesei loa e ia a Suta.

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Selemia 3:2

Siki ou mata ki ganea taualuga, O tio ki ganea fuli ala na ke faiaga ai ! Na ke talitali i ala, ofaipe le tagata Alape i le toafa, Ti na ke fakakelekele le fenua ki au faiaga mo lou agaveli.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Selemia 44:11

Koia e folafola le Eteleno o kau tau, le Atua o Iselaele, o pati : Ko leinei, e tio fakaagatonu oku mata kia koutou, ke kau fai kia koutou se nea veli, ti ke kau motusi a Suta katoa.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Levitiko 17:10

Kapau e kai loa e se tagata o Iselaele pe ko se tagata matapule leia e nofo i loto malie o latou se toto o se manu, e kau fulusi loa oku mata ki leia kua kai ia le toto, ti e kau tuuti loa a ia mei loku kakai.

Levitiko 17:7

E leaise lotou toe momoli loa alatou sakilifisio ki ni temonio (ala e fakatata e ni koti tagata), ala e lotou tono ki ai. E tuku loa le lekula lena kia latou mo olatou sakoga o lee gato.

Levitiko 20:4

Kapau e tapono a mata o le kakai o le fenua ki le tagata lena, leia e se soli ia ona fanau kia Moloke, ti kapau e leaise lotou tamate le tagata lena,

Levitiko 20:6

Kapau e masau se tagata ki le kau mate mo laumalie veli, o faiaga mo latou, e kau tagaki loa oku mata ki le tagata lena, ti e kau tuuti loa a ia mei lona kakai.