Levitiko 20:2 - Tosi Tapu

² E ke pati loa ki fanau a Iselaele : kapau e soli loa e se tagata o fanau a Iselaele pe ko se matapule leia e mauli i Iselaele se tasi o ana fanau kia Moloke, e tautea loa le tagata lena ki le mate : e tuki fatui loa a ia e le kakai o le fenua.

Levitiko 20:2 ပူးပေါင်းရင်းမြစ်များ

Uluaki tosi o Sau 11:7

Koia na fakatuu loa e Salomone i le mauga leia e agaaga ki Selusalemi se potu taualuga kia Kemosi, le nea fakalialia o le kau Moape, ti mo Moloke, le nea fakalialia o vosa o Amone.

Lua tosi o Sau 17:17

Na lotou momoli loa i le afi olatou vosa mo olatou taineliki, ti na lotou fai loa a nea fakakikite mo nea fakatemonio, ti na lotou fakatau loa latou ke fai le nea leia e veli ki mata o le Eteleno, o tupu ke ita ai.

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Pesalemo 106:38

Na lotou liligi loa le toto saosaoa, Le toto o olatou vosa mo olatou taineliki, Ala na lotou momoli loa ki taulaatua o Kanaane, Ti na fakalialia loa le fenua i tukipo.

Selemia 32:35

Na lotou fakatuu ni ganea taualuga ki Paale, i le vaivailiua o Pene-Inome, Ke momoli ai i le afi olatou vosa mo olatou taineliki kia Moloke, Nea leia na leaise kau fakatotonu ke fai ; Ti na leaise ake i laku fakakaukau E lotou fai loa ni nea fakalialia felaaki, Ke tupu ai le agasala o Suta.

Selemia 7:31

Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.

Esekiele 20:26

Na kau fakakelekele loa latou ki alatou failaulau, i lalatou tuku olatou uluaki fuli ke fakalaka i le afi ; na kau loto loa i ai ke fakatuaa latou, o tupu ke lotou iloa ko au ko le Eteleno.

Esekiele 20:31

I lakoutou fai akoutou moliga, i lakoutou tuku ke fakalaka akoutou fanau i le afi, e kotou toe fakakelekele foki koutou i le aso nei ki okoutou taulaatua fuli. Ti ko au, pe kau tuku loa ke koutou afa au, e koutou, fale o Iselaele ? E pati le Aliki, le Eteleno : E kau mauli ! e leaise kau tuku loa ke kotou afa au.

Esekiele 23:37

Na la fai ni tono, ti e i ai se toto i ola lima : Na la fai ni tono mo ola taulaatua ; Ti ko fanau ala na la fanaui kiate au, Na la fakalaka latou i le afi ke kai e taulaatua.

Esekiele 23:39

Na la momoli ola fanau ki ola taulaatua, Ti na la ano i le aso totonu lena ki loku sagatualio O fakakelekele a ia. Ko lena le nea leia na la fai i loku fale.

Levitiko 17:13

Kapau ko se tasi o fanau a Iselaele pe ko matapule ala e nonofo i loto malie o latou, e maua ia loa i lana kapu se manu pe ko se manu lele leia e feala ke kai, e fakasali loa e ia le toto ki le kele ti e tanu loa e ia a ia ki le kele.

Levitiko 17:15

Ko leia e kai loa ki se manu leia na mate masaki pe na tamate e se manu fekai, pe ko se tasi o le fenua pe ko se matapule, e tonu ke fo loa e ia ona kofu, ti ke maanu loa a ia i le vai ; ti e kelekele loa a ia o kaku ki le afiafi, ti o mea loa a ia.

Levitiko 17:8

Ti e ke pati loa kia latou : Ka momoli loa e se tagata o Iselaele pe ko se tagata matapule leia e nofo i loto malie o latou se failaulau pe ko se tasi ake vikitima,

Levitiko 18:21

Aua na ke tuku loa ke momoli i le afi se tasi o au fanau kia Moloke, ti aua na lau veli loa ki le suafa o lou Atua : ko Au ko le Eteleno.

Levitiko 20:1

Na masau loa le Eteleno kia Moisese, o pati :

Levitiko 20:27

Kapau e maua e se tagata pe ko se fafine le laumalie o se mate pe ko le laumalie o le kikite, e tautea loa laua ki le mate ; e tuki fatui loa laua : e vilo loa ola toto kia laua.

Levitiko 24:14

Fakamavae mei le nofolaga le tagata leia na lau veli. Ti ko latou fuli ala na logo kiate ia ke lotou teki loa olatou lima ki lona ulu, ti ke tuki fatui loa a ia e le kakai katoa.

Levitiko 24:16

Ko leia e lauveli loa ki le suafa o le Eteleno e tautea loa a ia ki le mate : e tuki fatui loa a ia e le kakai katoa.

Levitiko 24:23

Na masau loa Moisese ki fanau a Iselaele ; ti na lotou fakamavae loa le tagata leia na lauveli mei le nofolaga, ti na lotou tuki fatui loa a ia. Na mulimuli loa fanau a Iselaele ki le fakatotonu leia na tuku e le Eteleno kia Moisese.

Gaoi 7:43

Na kotou amo le falela o Moloke Ti mo le fetuu o le taulaatua ko Lemifani, Ko fakatata ana na kotou fau ke atolasio ki ai ! Koia e kau ave ai loa kotou ki mamao atu i Papilone.

Tetelonome 12:31

Ke aua na ke fai fenaaki ki le Eteleno, lou Atua ; talie na lotou tausi ki olatou atua o fai a nea fakalialia fuli ala e vesia ki ai le Eteleno, ti na lotou tutu foki i le afi ki olatou atua, olatou vosa mo olatou taineliki.

Tetelonome 17:2

E feala loa i se aso ke maua i se kolo o kolo ala e soli atu loa kiate koe e le Eteleno, lou Atua, se tagata pe ko se fafine leia e fai ia loa se nea veli ki mata o le Eteleno, lou Atua, o maumaui loa lana fakapapau ;

Tetelonome 18:10

Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,

Tetelonome 21:21

Ti e tuki fatui loa a ia ke mate e tagata fuli o lona kolo. E ke sau loa i ai le veli mei loto malie o ou, o tupu ke logo Iselaele katoa ti ke i a ia.

Tetelonome 22:21

ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.