Levitiko 20:17 - Tosi Tapu

¹⁷ Kapau e momoe loa se tagata mo lona tuagaane totonu, le taine totonu o lona tamana pe o lona tinana, ko le nea fakalumaluma a ia ; e tuuti loa laua i mata o fanau o lola kakai : kua momoe le tagata lena mo lona tuagaane, e amo loa e ia lana agasala.

Levitiko 20:17 ပူးပေါင်းရင်းမြစ်များ

Senesi 20:12

Ti tasi foki, e maoki ko loku tuagaane a ia, talie ko le taine a ia o loku tamana ; kae e leaise ma tinana tasi ; ti kua liliu a ia ko laku avaga.

Lua tosi a Samuele 13:12

Na tali loa Tamale kiate ia : Leai, ei loku tuagaane, aua na ke fakamatagafua au, talie e leaise fai se nea feneeki i Iselaele ; aua na ke fakasoko le nea fakalialia lena.

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Esekiele 22:11

Ti kua tasi tono le tagata mo le avaga o lona oloi, ti kua tasi tono mo lona fugao totonu, ti kua tasi fai veli mo lona tuagaane totonu, taine totonu o lona tamana.

Levitiko 18:9

Aua na ke sufegi loa le telefua o lou tuagaane, taine o lou tamana pe taine o lou tinana, leia na tupu i le fale pe i fafo o le fale.

Levitiko 20:16

Kapau e fakafeofi loa se fafine ki se manu, ke momoe mo ia, e tamate loa le fafine mo le manu.

Numelo 5:31

Ti e leaise valoki loa se sala ki le tagata, kae e amo loa e le fafine lana agasala mo kapau na sala maoki a ia.

Tetelonome 27:22

Ke malaia le tagata leia e momoe loa mo lona tuagaane, taine o lona tamana totonu, pe taine o lona tinana totonu ! Ti e pati loa le kakai katoa : Amene !