Levitiko 2:5 - Tosi Tapu

⁵ Ti kapau ko lau moliga ko se nea kua fakamoso i le fakapaku, ti e ke fai loa a ia ki se falina tea leia kua lusi ki se lolo ti e sala fakatupu.

Levitiko 2:5 ပူးပေါင်းရင်းမြစ်များ

Levitiko 2:6

E ke tofi loa a ia, ti e ke liligi loa i aluga se lolo : ko se moliga nea kai a ia.

Levitiko 6:21

Kapau na fakamoso a inati i se kulo kele, ti e maumaui loa le kulo lena ; ti kapau na fakamoso a inati i se kulo ukamea, e tonu loa ke olo a ia, ti ke fakamea a ia ki se vai.

Levitiko 7:12

Kapau e momoli e se tagata se sakilifisio fakafetai mo se katiko fakafetai, e ave fakatasi loa e ia mo le sakilifisio fakafetai, ni keke sala fakatupu ala na lusi mo le lolo, mo ni pane maninifi ala na pani ki le lolo, ti mo ni keke ala na fai ki le falina tea ti na lusi ki le lolo.

Levitiko 7:9

Ko moliga nea kai fuli ala na fakamoso i le gutuumu, mo le fakapaku, mo le laui ukamea, e maua loa e le tagata faisakilifisio leia na momoli ia le sakilifisio.

Numelo 7:43

Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ;