Levitiko 2:15 - Tosi Tapu

¹⁵ E ke liligi loa se lolo i aluga, ti e ke toe teki loa ki aluga se iseso. Ko se moliga nea kai a ia.

Levitiko 2:15 ပူးပေါင်းရင်းမြစ်များ

Ekesote 29:2

Fai ki se falina fulumeto ni pane sala fakatupu, mo ni kato sala fakatupu kua lusi ki le lolo, ti mo ni fakapaku sala fakatupu kua takai ki le lolo.

Ekesote 30:34

Na pati loa le Eteleno kia Moisese : Too ni nea fakamanogi : se setakite, mo se onika, mo se kalipanume, ti mo se iseso mea, o fua fakatatau fuli latou.

Levitiko 2:1

Kapau e fai loa e se tagata sana moliga nea kai ki le Eteleno, e fai loa e ia lana moliga ki le falina tea ; ti e liligi loa e ia se lolo ki aluga, ti e toe tuku loa e ia ki ai se iseso.

Levitiko 2:14

Kapau e kotou fai loa ki le Eteleno se moliga ki uluaki fua o le kele, ti e kotou momoli loa ni fui fulumeto foou, ala kua tunu i le afi ti kua tuki ke malu, ko se moliga a ia o fua foou.

Levitiko 2:16

E tutu loa e le tagata faisakilifisio se potu o fui fulumeto leia kua tuki fakamaluu, mo le lolo, ti mo le iseso katoa. Ko se moliga a ia kua tutu e le afi i mua o le Eteleno.

Levitiko 5:11

Ti kapau e leaise maua loa e ia se nea leia ke totogi ai ni kulukulu e lua pe ko ni lupe muli e lua, e momoli loa e ia ki lana agasala ni kilo falina tea e fa ; kae e leaise liligi loa e ia se lolo i aluga, pe teki loa e ia i aluga se iseso, talie ko se sakilifisio a ia ki le agasala.

Numelo 15:4

Ko leia e fai ia loa lana moliga ki le Eteleno e ave loa e ia se moliga nea kai ko kilo falina e tolu ala kua lusi fakatasi mo se liti lolo e tasi mo se vaelua,