Levitiko 19:5 - Tosi Tapu

⁵ Ka kotou momoli loa ki le Eteleno se sakilifisio fakafetai, e kotou momoli loa a ia o mulimuli ki le lekula, ti e kau tali loa a ia.

Levitiko 19:5 ပူးပေါင်းရင်းမြစ်များ

Lua tosi o Koloniko 31:2

Na toe fakatuu loa e Esekiasi a lakaga o le kau tagata faisakilifisio mo le kau Levi o mulimuli ki olatou vaevae ti mo alatou gaoi taki toka tasi, le kau tagata faisakilifisio mo le kau Levi, ki failaulau mo sakilifisio fakafetai, ki le tausi, ki sua mo fakavikiviki, i matapa o le sagatualio o le Eteleno.

Ekesote 24:5

Na kakau loa e ia ni tama tupulaga o fanau a Iselaele, ke lotou momoli ki le Eteleno ni failaulau, ti ke lotou tamate ni pipi tagata ki ni sakilifisio fakafetai.

Esekiele 46:12

Kapau e momoli loa e le tama aliki ki le Eteleno sana failaulau i lona loto malie pe ko se sakilifisio fakafetai i lona loto malie, e fakamavaa loa kiate ia le matapa i le fetuu esite, ti e momoli loa e ia lana failaulau mo lana sakilifisio fakafetai ofaipe lana fai masani i le aso o le sapato ; ti ka oki a ia ti toe ulu loa a ia ki fafo ; ti e toe tapono loa le matapa i le oki o lana ulu ki fafo.

Esekiele 46:2

E ulu mai loa le tama aliki i le malae ki fafo o ano ki le kogafale loto, ti e tuu loa a ia i tafa o pou o le matapa ; e momoli loa e tagata faisakilifisio lana failaulau mo ana sakilifisio fakafetai ; ti e fai loa e ia lana su i le uluaga o le matapa, ti toe ulu loa a ia ki fafo, ti e leaise tapono loa le matapa i mua o le afiafi.

Levitiko 1:3

Kapau ko lana moliga ko se manu lasi ki le failaulau, e momoli loa e ia se manu tagata lee mele ; e momoli loa e ia le manu i le uluaga o le falela tapu, i mua o le Eteleno, ke tali malie loa a ia e le Eteleno.

Levitiko 19:4

Aua na kotou tafoki loa ki ni taulaatua loi, ti aua na kotou fai loa ni atua ki se ukamea saka. Ko au ko le Eteleno, ko lokoutou Atua.

Levitiko 19:6

E kai loa le manu i le aso leia e kotou tamate ai a ia, pe i le aso leia e olo mai ki ai ; e kotou tutu loa i le afi le nea leia e toe loa o kaku ki le tolu o aso.

Levitiko 22:19

e too loa e ia se manu tagata lee mele i lana kau pipi, pe ko lana kau akeno, pe ko lana kau koti, o tupu ke tali malie lana vikitima.

Levitiko 22:21

Ti kapau e momoli loa ki le Eteleno e se tagata se manu lasi pe ko se manu ikiiki i ni sakilifisio fakafetai, o tupu ko le fakasoko o se fakapapau, pe ko lona loto alofa, e tonu ke too loa e ia se manu lee mele, o tupu ke tali malie loa a ia ; ke aua ai na maua loa e le manu se ga mele fua e tasi.

Levitiko 22:23

E feala loa ke ke momoli se sakilifisio alofa ki se pipi tagata pe ko se akeno leia e nofo mo se vae leia e loa pe toetoe ; kae e leaise ke momoli loa aia o tupu ke fakasoko ai se fakapapau.

Levitiko 22:29

Kapau e kotou momoli loa ki le Eteleno se sakilifisio fakafetai, kotou mulimuli loa ki le lekula o tupu ke tali malie a ia.

Levitiko 7:16

Ti kapau e fai e se tasi se sakilifisio fakafetai ki le soko o se fakaamu pe i lona loto malie, e kai loa le vikitima i le aso leia e momoli ai loa e ia a ia, ti e kai loa le nea leia e toe loa i leia ake aso.

Levitiko 7:18

Kae kapau e soko loa kua kai e se tagata le kanofi o lana sakilifisio komunio i le tolu o aso, e leaise tali loa e le Eteleno le sakilifisio ; e ano noa loa lana sakilifisio kiate ia, talie kua veli le inati ki nea fakalotu. Ko leia e kai loa ki le nea lena e agasala loa.