Levitiko 19:32 - Tosi Tapu

³² E ke tuu loa ki aluga i mua o le ulu sina, ti ke fakaapaapa loa ki le matua. E ke i loa ki lou Atua. Ko au ko le Eteleno.

Levitiko 19:32 ပူးပေါင်းရင်းမြစ်များ

Senesi 31:35

Ti na pati loa Lasele ki lona tamana : Ke aua na ke ita, ei loku tamana, mo kapau e ke tio e leaise kau tuu ki aluga i ou mua, talie e kau maua le nea leia e soko masani ki fafine. Na fai loa e Lapane lana afa, kae na leaise maua loa e ia a atua.

Senesi 48:12

Ti na too loa e Sosefo ona vosa, ala na ekeeke i tuli o lona tamana ko Sakopo, o tuku ki lalo, ti na punou loa a ia i ona mua.

Uluaki tosi o Sau 2:19

Na ano loa Pate-Sepa ki le sau ko Salomone, o masau kiate ia o uiga mo Atonisa. Na tuu loa le sau ki aluga, o ano o fakafelavei kia Pate-Sepa, ti na punou loa a ia i mua o Pate-Sepa, ti na toe ekeeke loa a ia ki lona ekeekeaga fakasau. Na aumai loa se ekeekeaga ki le tinana o le sau, ti na ekeeke loa a ia i le fetuu atamai o le sau.

Lua tosi o Sau 17:36

Kae e kotou i loa ki le Eteleno, leia na fakamavae ia koutou mei le fenua o Esipito ki lona makeke lasi ti mo lona lima falo ; ko ia leia e tonu ke kotou atolasio ki ai, ti ko ia leia e kotou momoli loa ki ai ni sakilifisio.

Sopo 32:4

O tupu na lotou matutua ake iate ia, na talitali Eliu o kaku mai ki le lakaga lena ke masau kia Sopo.

Sopo 32:6

Ti na masau loa Eliu, vosa o Palakeele mei Pusi, o pati : Koi kau muli, kae kua kotou matutua ; Koia leia na kau i ai, ti na kau tuania ai I le fakasa o laku manatu kia koutou.

Taagapati 16:31

Ko le ulu sina ko se pala o le mauiga ; E maua a ia i le ala o le maokioki.

Taagapati 20:29

Ko le makeke ko le kololia o le kau tupulaga, Ti ko le ulu sina ko le pala o le kau matua.

Taagapati 23:22

Fakalogo ki lou tamana leia na ke tupu ai, Ti aua na ke fakanoa lou tinana mo ka matua a ia.

Esaia 3:5

E fefakaveliveliaki loa le kakai ia latou ; E popula loa le tagata ki le tagata, ti e popula loa le tagata ki lona kaiga totonu. E fia nealasi loa le tama tupulaga ki le matua, Ti e fia nealasi loa le tagata noa ki le tagata mauiga.

Tagi laulau a Selemia 5:12

Na tautau ni pule e olatou lima ; Na leaise fakaapaapa ki le matua.

Levitiko 19:14

Aua na ke lauvelii loa se tuli, ti aua na ke tuku loa ki mua o se kivi se nea leia ke siga ai. Talie e ke maua loa le i ki lou Atua. Ko au ko le Eteleno.

Loma 13:7

Ke kotou liufaki ki tagata fuli le nea leia e tonu ke maua e ia : le tukusau ki leia e tonu ke kotou ui ki ai, le totogi ki leia e tonu ke kotou totogi ki ai, le i ki leia e tonu ke kotou i ki ai, le fakaapaapa ki leia e tonu ke kotou fakaapaapa ki ai.

Uluaki tosi kia Timoteo 5:1

Aua na ke valoki fakamakeke le matua, kae fakalotomakeke a ia ofaipe se tamana ; fakalotomakeke le kau tupulaga ofaipe ni fetaina,

Uluaki tosi a Petelo 2:17

Kotou fakaapaapa ki tagata fuli, kotou alofa ki fetaina, kotou i ki le Atua, kotou fakaapaapa ki le sau.