Levitiko 19:30 - Tosi Tapu

³⁰ Kotou tausi loa aku sapato, ti kotou fakaapaapa loa ki loku sagatualio. Ko au ko le Eteleno.

Levitiko 19:30 ပူးပေါင်းရင်းမြစ်များ

Lua tosi o Koloniko 33:7

Na fakatuu loa e ia le fakatata leia na ta e ia ki le fale o le Atua, le fale leia na pati ki ai le Atua kia Tavite mo Salomone, lona vosa : Kua kau filifili le fale leinei mo Selusalemi i nofoaga fuli o Iselaele ke agai ai loku suafa o lee gato.

Lua tosi o Koloniko 36:14

Na toe liuga foki e le kau pule fuli o le kau tagata faisakilifisio mo le kakai alatou agatuu, o fakatatau ki aga fakalialia fuli a atu puleaga ; ti na lotou fakakelekele loa le fale o le Eteleno, leia na fakatapui e ia i Selusalemi.

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Ekesote 20:8

Manatui le aso o le sapato, o fakamaokioki a ia.

Ekelesiasi 5:1

Aua na ke fakatavili o fakamavaa lou gutu, ti aua na fai vave e lou loto se masau i mua o le Atua ; talie e nofo le Atua i lagi kae ko koe, e ke nofo i le kele : fakateiki au masau.

Esekiele 9:6

Kotou tamate, kotou maumaui a matua, mo tagata muli, mo taineliki taupoou, mo toe liliki, mo fafine ; kae aua na kotou fakafeofi loa ki se tasi leia e nofo loa mo se fakamailoga i lona lae ; kotou kamata i loku fale tapu ! Na lotou kamata loa i le kau matua ala na nonofo i mua o le fale tapu.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Levitiko 15:31

Kolua fakamamao mei le sagatualio le kakai o Iselaele mo ka e lotou kelekele ; ti e leaise lotou mamate loa o tupu ko le fakakelekele o loku nofoaga leia e tuu i loto malie o latou.

Levitiko 16:2

Na pati loa le Eteleno kia Moisese : Masau ki lou taina ko Alone, ke aua na ulu fakalaluvale ki le sagatualio, ki leia atu fetuu o le lito tapono, leia e tuku ai le aleka mo lona tapono tapu ; talie e kau sa loa i ai i le ao, i aluga o le tapono tapu o le aleka, ti e feala loa ke mate ai a ia.

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Levitiko 26:2

Kotou tausi loa aku sapato, ti kotou fakaapaapa loa ki loku sagatualio. Ko au ko le Eteleno.

Mateo 21:13

Ti na pati loa Sesu kia latou : E tuu i le tosi : E fakaigoa loa loku fale ko se fale faikole. Kae ko kotou, kua kotou fakaliliu a ia ko se ana o tagata kaia.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Uluaki tosi a Petelo 4:17

Talie ko leinei kua kamata le fakamaau, ti e kamata a ia i le fale o le Atua. Io, kapau kua kamata a ia kia tatou, e feaki ake loa le fakaoki o latou ala e leaise fakalogo ki le Evaselio a le Atua ?