Levitiko 19:3 - Tosi Tapu

³ Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Levitiko 19:3 ပူးပေါင်းရင်းမြစ်များ

Senesi 48:12

Ti na too loa e Sosefo ona vosa, ala na ekeeke i tuli o lona tamana ko Sakopo, o tuku ki lalo, ti na punou loa a ia i ona mua.

Neemia 9:14

Na ke fakasa loa kia latou lou sapato maokioki, ti na ke fakatuutuu loa a nea ana kia latou i lau tagata fakasausau ko Moisese, mo au folafola, mo au pelesepeto, mo au lao.

Ekesote 16:29

Ke kotou iloa na kau tuku atu kia koutou le sapato ke kotou malolo ai, koia leia na kau tuku ai kia koutou i le ono o aso, le nea kai ki aso e lua. I le fitu o aso ke tasi nofo le tagata i lona falela, ti ke aua na toe mavae se tasi mei le ganea leia e nofo ai.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Ekesote 20:8

Manatui le aso o le sapato, o fakamaokioki a ia.

Ekesote 21:15

Ko leia e taai ia loa lona tamana pe ko lona tinana, e tautea loa a ia ki le mate.

Ekesote 21:17

Ko leia e lauveli loa ki lona tamana pe ki lona tinana, e tua loa a ia ki le mate.

Taagapati 1:8

Ei loku vosa, fakalogo mai ki akonaki a lou tamana, Ti aua na ke tiaki le tokoi a lou tinana ;

Taagapati 23:22

Fakalogo ki lou tamana leia na ke tupu ai, Ti aua na ke fakanoa lou tinana mo ka matua a ia.

Taagapati 30:11

E i ai se tautagata leia e fakamalaia ki lona tamana, Ti e leaise tapuaki ki lona tinana.

Taagapati 30:17

Ko le mata leia e gologolo ki se tamana, Ti e leaise fakanoa ia le patigaofie ki se tinana, E kapei loa a ia e le kolopo o le liua, Ti e kai loa a ia e uviki o le akuila.

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Esekiele 20:12

Ti na kau soli foki kia latou oku sapato ofaipe se fakamailoga iate au mo latou, o tupu ke lotou iloa ko au ko le Eteleno leia e fakamaokioki ia latou.

Levitiko 11:44

Talie ko au ko le Eteleno, ko lokoutou Atua ; e kotou maokioki loa, talie e kau maokioki ; ti aua na kotou kelekele loa i se manu i manu fuli ana ala e totolo i aluga o le kele.

Levitiko 19:25

I le lima o fetuu, e kotou kai loa olatou fua, ti e kotou tanaki loa latou. Ko au ko le Eteleno, ko lokoutou Atua.

Levitiko 19:30

Kotou tausi loa aku sapato, ti kotou fakaapaapa loa ki loku sagatualio. Ko au ko le Eteleno.

Levitiko 19:31

Aua na kotou maliu loa kia latou ala e masau ki laumalie o le kau mate, pe ko le kau kikite ; aua na kotou afa loa latou, talie na kotou kelekele loa mo latou. Ko au ko le Eteleno, ko lokoutou Atua.

Levitiko 19:34

E kotou fai loa kiate ia ofaipe se tasi o koutou ; e kotou alofa loa kiate ia ofaipe koutou totonu, talie na kotou matapule foki i le fenua o Esipito. Ko au ko le Eteleno, ko lokoutou Atua.

Levitiko 23:3

E gaoi loa i aso e ono ; kae ko le fitu o aso ko le sapato a ia, ko le aso malolo : e kotou fai loa i ai se fakatasi tapu. E leaise kotou fai loa se gaoi : ko le sapato a ia o le Eteleno, i okoutou fale fuli.

Levitiko 26:2

Kotou tausi loa aku sapato, ti kotou fakaapaapa loa ki loku sagatualio. Ko au ko le Eteleno.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Tetelonome 27:16

Ke malaia le tagata leia e leaise fakaapaapa loa ki lona tamana mo lona tinana ! Ti e pati loa le kakai katoa : Amene !

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Epelo 12:9

Tou manatui o tou tamana fakatino : na lotou tautea tatou, ti na tou fakaapaapa kia latou. Pe leaise tonu ke toe lasi ake latatou fakalogo ki le Tamana o laumalie, o tupu ke tou maua le mauli ?