Levitiko 19:19 - Tosi Tapu

¹⁹ Kotou tausi loa aku lao : Aua na ke fakaavaga loa ni manu o ni faasiga kesekese e lua. Aua na kotou to loa akoutou faisaga ki ni faasiga pulapula e lua. Aua na kotou tui loa ni kofu ki ni faasiga filo e lua.

Levitiko 19:19 ပူးပေါင်းရင်းမြစ်များ

Senesi 36:24

Ko nei a vosa o Sipeoni : ko Asa mo Ana. Ko le Ana lena leia na maua ia a matapuna vai vevela i le toafa, i lana tausi a asino o lona tamana ko Sipeoni.

Lua tosi a Samuele 13:29

Ti na fai loa e tagata fakasausau a Apesalone kia Amone o mulimuli ki le nea leia na fakatotonu e Apesalone. Ti na tutuu ake loa a vosa fuli o le sau ki aluga, o tasi sopo loa ki lana osi, o sosola.

Lua tosi a Samuele 18:9

Na fetaulaki loa Apesalone mo le kau tagata a Tavite. Na eke a ia i se osi. Na ulu loa le osi i lalo o laa kopikopi o se telepenite lasi ai, ti na pikiia loa le ulu o Apesalone i laa o le laakau ; ti na tautau loa a ia i le vasa o le lagi mo le kele, kae na fakalaka atu loa lana osi ki se tasi ganea.

Uluaki tosi o Sau 1:33

Ti na pati loa le sau kia latou : Kotou too tagata fakasausau a lokoutou pule, ti kotou fakaeke Salomone, loku vosa, ki laku osi, ti kotou fakaifo a ia ki Kioni.

Esetalasi 2:66

Na lotou maua foki se kau osi na kau lelau fitu kau tolu tupu ono, mo se kau mule na kau lelau lua kau fa tupu lima,

Levitiko 18:4

Kotou fai loa aku fakatotonu, ti kotou tausi loa aku lao, ti kotou mulimuli loa ia latou. Ko au ko le Eteleno, ko lokoutou Atua.

Levitiko 19:37

Kotou tausi loa aku lao fuli mo aku fakatotonu fuli, ti kotou fai loa latou. Ko au ko le Eteleno.

Levitiko 20:8

Kotou tausi aku lao fuli, ti kotou fai loa latou. Ko au ko le Eteleno leia na filifili ia koutou ke kotou liliu ko se kakai maokioki.

Levitiko 22:31

Kotou tausi loa aku fakatotonu, ti kotou fai loa latou. Ko au ko le Eteleno.

Levitiko 25:18

Kotou mulimuli ki aku lao, ti kotou tausi aku fakatotonu, ti kotou fai latou ; ti e kotou mauli loa i le fimalie i le fenua.

Luka 5:36

Na tuku foki e ia kia latou se folafola fakatata : E leaise saei e se tasi i se kofu foou se masaei kie ke tapono ai se kofu afea ; talie e sae loa e ia le kofu foou, ti e leaise ano tasi le kofu foou mo le kofu afea.

Loma 11:6

Ti kapau na filifili i le kalasia ti e leaise koi filifili loa i gaoi ; talie kapau e leaise fenaaki, ko le kalasia e leaise ko se kalasia loa. Ti kapau na filifili i gaoi ti e leaise ko se kalasia loa, talie kapau e leaise fenaaki, ko le gaoi e leaise ko se gaoi loa.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:5

Ko leinei, kua kau ako kia koutou ni lao mo ni fakatotonu, o mulimuli ki le nea leia na fakatotonu mai kiate au e le Eteleno, loku Atua, o tupu ke kotou tausi latou i le fenua leia ka kotou ulu loa ki ai, o too ma koutou.