Levitiko 19:18 - Tosi Tapu

¹⁸ Aua na ke taui veli loa, ti aua na ke taofi loa se kona i lou loto ki fanau o lou kakai. E ke alofa loa ki lou oloi ofaipe koe totonu. Ko au ko le Eteleno.

Levitiko 19:18 ပူးပေါင်းရင်းမြစ်များ

Senesi 4:23

Na pati loa Lemeke ki ona avaga : Ata mo Tesila, ke kolua fakalogo mai ki loku leo ! Avaga o Lemeke, ke kolua fakalogo mai ki laku masau ! Na kau tamate se tagata ke totogi ai loku lavea, Mo se tama tupulaga ke totogi ai loku kafo.

Lua tosi a Samuele 13:22

Na leaise toe masau loa Apesalone kia Amone ; kae na vesia loa a ia kiate ia talie na fakamatagafua e ia Tamale, lona tuagaane.

Lua tosi a Samuele 13:28

Na tuku loa e Apesalone le fakatotonu leinei ki ana tagata fakasausau : Kotou tokaga i le temi leia e kona ai loa Amone ti e kau pati atu ai loa kia koutou : Kotou taai Amone ! Ti kotou tamate loa a ia, aua na kotou i ki se nea, pe leaise ko au leia kua fakatotonu ia atu a ia kia koutou ? Ke kotou loto toa ti ke kotou fakasa lokoutou loto makeke !

Pesalemo 103:9

E leaise valoki o lee gato, E leaise taofi e ia lona sausau o lee gato ;

Ekesote 20:16

Aua na ke fakamaoki loi ki lou oloi.

Taagapati 20:22

Aua na ke pati : E kau liufaki loa le veli. Fanaki ki le Eteleno, ti e saofaki loa e ia a koe.

Levitiko 19:34

E kotou fai loa kiate ia ofaipe se tasi o koutou ; e kotou alofa loa kiate ia ofaipe koutou totonu, talie na kotou matapule foki i le fenua o Esipito. Ko au ko le Eteleno, ko lokoutou Atua.

Mateo 19:16

Ti ko leinei, na fakafeofi ake loa se tagata, o pati kia Sesu : Pule, kolea le nea leia e tonu kau fai o malie ke maua ai le mauli lee gato ?

Mateo 19:19

ti e ke alofa loa ki lou oloi ofaipe kiate koe totonu.

Soane 13:34

E kau tuku kia koutou se fakatotonu foou : Kotou fealofani ia koutou ; ofaipe loku alofa kia koutou, ko koutou foki, kotou fealofani ia koutou.

Gaoi 16:28

Kae na kalaga leo lasi loa Paulo kiate ia : Aua na ke fai fua kiate koe se nea veli, ko nei matou fuli i leinei.

Loma 12:17

Aua na kotou totogi ki se tasi le veli ki le veli. Kotou afa le nea e malie i mua o tagata fuli.

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Loma 13:4

Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Loma 13:9

Koia ko fakatotonu : Aua na ke tono loa, aua na ke tukipo loa, aua na ke kaia loa, aua na ke manumanu loa, ti mo iki atu fakatotonu, e fakatoetoe fuli i le folafola leinei : E ke alofa loa ki lou oloi ofaipe koe totonu.

Kalate 5:14

Talie e fakasoko le lao katoa i se folafola e tasi, leinei : E ke alofa loa ki lou oloi ofaipe lou alofa kiate koe totonu.

Kalate 5:20

mo le tausi taulaatua, mo le fai nea fakatemonio, mo vesia, mo fefele, mo finenonofo, mo itaita, mo vaevaega, mo magai lotu ;

Efeso 4:31

Ke puli ia koutou a manatu kona fuli, mo loto veli, mo itaita, mo kalaga, mo fatituu, ti mo agaveli fuli.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Kolose 3:8

Kae i le temi nei, ke kotou fakafiti ki nea fuli ana, ki le itaita, mo le masau makeke, mo le agaveli, mo le fatufatu, ti mo masau veveli ala e feala ke au mei okoutou gutu.

Epelo 10:30

Talie e tou iloa leia kua pati : A aku le lagavaka, a aku le totogi ! ti na toe pati : E fakamaaui loa e le Aliki lona kakai

Sakopo 2:8

Kapau e kotou fai le lao o le puleaga, o mulimuli ki le Tosi : E ke alofa loa ki lou oloi o tatau mo koe totonu, e kotou fai malie.

Uluaki tosi a Petelo 2:1

Koia kotou tiaki ai a agaveli fuli, mo kaka fuli, mo malualoi, mo finenonofo, ti mo fatufatu fuli,

Uluaki tosi a Soane 4:21

Ti e tou maua meiate ia le fakatotonu leinei : Ko leia e alofa ki le Atua ke alofa foki a ia ki lona taina.