Levitiko 19:17 - Tosi Tapu

¹⁷ Aua na ke vesia loa ki lou taina i lou loto ; e ke tokaga loa o valoki lou taina, o tupu ke aua na ke amo ia loa se agasala o tupu ko ia.

Levitiko 19:17 ပူးပေါင်းရင်းမြစ်များ

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Lua tosi a Samuele 13:22

Na leaise toe masau loa Apesalone kia Amone ; kae na vesia loa a ia kiate ia talie na fakamatagafua e ia Tamale, lona tuagaane.

Neemia 13:17

Na kau fai loa ni valoki ki le kau lalasi o Suta, ti na kau pati loa kia latou : Kolea le nea veli leinei kua kotou fai, o kotou maumaui le aso o le sapato ?

Pesalemo 141:5

Ke taai au e le tagata agatonu, ko se kalasia a ia ; Ke tautea e ia au, ko se lolo a ia i loku ulu : E leaise mafuli kese loa loku ulu ; Kae e toe pale atu loa laku kole kiate koe o tupu ko le kau agaveli.

Taagapati 9:8

Aua na ke valoki le tagata gologolo, na vesia a ia kiate koe ; Valoki le tagata poto, ti e alofa loa a ia kiate koe.

Luka 17:3

Kotou tokaga kia koutou totonu. Kapau na sala lou taina kiate koe, valoki a ia ; ti kapau e fakasemala a ia, fakamolemole kiate ia.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Uluaki tosi ki le kau Kolinto 5:2

Ti kua kotou makita i le fia nealasi ! kae na leaise kotou mamae mua, o tupu ke too meia koutou leia kua fai ia le nea lena !

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Efeso 5:11

kae aua na kotou kau ki gaoi lee fua a le fakapouli, kae kotou aumai latou ki le malama.

Uluaki tosi kia Timoteo 5:20

Ko latou ala e agasala, valoki latou i mua o le Ekelesia katoa, o tupu ke i foki mo latou ake ala.

Uluaki tosi kia Timoteo 5:22

Aua na ke teki fakatavili ou lima ki se tasi, ti ke aua na ke kau ki agasala a le kakai ; kae ke ke taupau a koe i le mea.

Lua tosi kia Timoteo 4:2

ke ke fakasa le folafola : too a faigamalie fuli, pe malie pe veli ; valoki, mo fakatonutonu, mo ekenaki, i le kataki fualoa katoa ti mo le akonaki.

Tito 1:13

E maoki le fakamaoki lena. Koia ke ke valoki fakamakeke ai latou, o tupu ke lotou maua se tui mea,

Tito 2:15

Fakasa a nea ana, ekenaki, ti mo valoki i le makeke katoa. Ke aua na nukinuki se tasi kiate koe.

Uluaki tosi a Soane 2:11

Kae ko leia e vesia ki lona taina, e nofo a ia i le fakapouli, e saele a ia i le fakapouli, ti e leaise iloa e ia le ganea leia e ano a ia ki ai, talie na fakakivi ona mata e le fakapouli.

Uluaki tosi a Soane 2:9

Ko leia e pati e nofo a ia i le malama, kae e vesia a ia ki lona taina, koi nofo a ia i le fakapouli.