Levitiko 19:13 - Tosi Tapu

¹³ Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Levitiko 19:13 ပူးပေါင်းရင်းမြစ်များ

Sopo 17:5

E lotou faipe le tagata o le taagapati ; E fakaafe e ia ona kaukaunea ke vaevae mo ia lana nea kai, Kae tiaki e ia ana fanau totonu ke mamate.

Sopo 31:39

Ti kapau na kau kai noa ona fua kae e leaise kau totogi a ia, Ti na kau fakamamae a loto o ona uluaki pule ;

Sopo 7:2

Ofaipe le fakaamu a le tagata popula ki le malumalu, Ofaipe le talitali a le tagata gaoi ki lona totogi,

Ekesote 20:15

Aua na ke kaia.

Ekesote 22:13

Kapau na tamate loa le manu e se manu fekai, e aumai loa e le tagata leia na taupau ia le manu se fakamaoki, ti e leaise totogi loa e ia le manu leia kua mate.

Ekesote 22:15

Kae kapau na nofo totonu loa i ai lona pule, e leaise totogi loa a ia. Kapau na aumai loa le manu o fakagaoi kae totogi, ti e feauga loa i lona totogi.

Ekesote 22:21

Aua na ke fai fakaveliveli loa le matapule, pe ke fakagaoi fakamakeke loa a ia ; talie na kotou matapule i le fenua o Esipito.

Ekesote 22:7

Kapau e tuku e se tagata ke taupau e se tasi tagata se siliva pe ko ni nea, ti e kaia loa a nea ana i lona fale, e liufaki loa e le tagata kaia a nea o liuga lua mo kapau e maua a ia.

Taagapati 20:10

Ko faasiga fua e lua, ko faasiga efa e lua, Ko nea ana e lua e fakalialia ki ai le Eteleno.

Taagapati 22:22

Aua na ke kaia le mativa o tupu ko lona mativa, Ti aua na ke fakamakeke leia e mamae i le matapa ;

Taagapati 3:28

Aua na ke pati ki lou oloi : Ano ti ke toe au, I apogipogi e kau soli loa ! kae e ke maua se nea ke soli.

Selemia 22:13

Malaia kiate leia e laga ia lona fale i le lee faitotonu, Ti e fakalasi ia ona lau fata i le agaveli, Leia e fakagaoi ia lona oloi kae leaise totogi, Kae leaise se soli kiate ia lona totogi !

Selemia 22:3

E folafola le Eteleno, o pati : Kotou fai le faitotonu mo le agatonu ; kotou saofaki leia kua fakamakeke mei lima o leia e fakamakeke ake kiate ia. Aua na kotou fakavelivelii le matapule, mo le fanau sala matua, mo le fafine lokonui. Aua na kotou agaveli, ti aua na kotou liligi le toto o le tagata agatonu i le ganea leinei.

Esekiele 18:7

Leia e leaise fakamakeke ia se tasi, leia e liufaki ia ki le tagata tuu maua lana nea fakamaoki, leia e leaise kaia ia se tasi, leia e soli ia lana pane ki leia e fia kai ti e fakalava ia leia e telefua,

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Esekiele 22:29

Kua vilo le kakai o le fenua ki le agamakeke, ti kua lotou fai ni kaia, ti kua lotou fakamamae le fakaaloalofa mo le mativa, ti kua lotou takatakafi ki lalo le matapule, ti kua lotou maumaui a lao fuli.

Levitiko 25:14

Kapau e kotou totogi pe kotou fakatau se kele ki se tagata o lou kakai, ke aua na kakaai loa e se tasi o koutou lona taina.

Levitiko 25:17

Ke aua na kakai loa e se tasi o koutou lona taina, kae e ke fakaapaapa loa ki lou Atua ; talie ko au ko le Eteleno, ko lokoutou Atua.

Levitiko 6:3

E tui loa e le tagata faisakilifisio lona kofu tea mo ona vavae loto tea ki lona tino ; ti e too loa e ia i le aletale le mugalafu o le sakilifisio tutu, ti e tanaki loa e ia a ia i tafa o le aletale.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 20:8

I le afiafi, na pati loa le pule o le vite ki lana tagata pule koloa : Kalagai le kau gaoi, ti ke totogi latou, o kamata meia latou ala na muli o fai kia latou ala na mua.

Maleko 10:19

E ke iloa a fakatotonu : Aua na ke tono loa mo se fafine ; aua na ke tukipo loa ; aua na ke kaia loa ; aua na ke fakamaoki loi loa ; aua na ke fai loa se nea veli ki se tasi ; fakaapaapa ki lou tamana mo lou tinana.

Luka 3:13

Na tali loa a ia kia latou : Ke aua na kotou siki a totogi kae kotou mulimuli ata ki le nea leia kua fakatotonu e le lao.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Uluaki tosi kia Timoteo 5:18

Talie e pati le Tosi tapu : aua na ke fakagutu loa le pipi mo ka takatakafi e ia le fulumeto. Ti e tonu ke maua e le tagata gaoi lona totogi.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.