Levitiko 19:11 - Tosi Tapu

¹¹ Aua na kotou kaia loa, ti aua na kotou fai fakakaka loa, pe feloiaki loa leia ki leia.

Levitiko 19:11 ပူးပေါင်းရင်းမြစ်များ

Lua tosi a Samuele 17:20

Na ulu loa tagata fakasausau a Apesalone ki le fale o le fafine lena, o pati : Kofea Asimaate mo Sonatane ? Na tali loa le fafine kia latou : Kua la fakalaka i le liua. Na lotou afa loa laua, kae na leaise lotou maua loa laua, ti na lotou toe liliu loa ki Selusalemi.

Uluaki tosi o Sau 13:18

Ti na pati loa le tagata kiate ia : Ko se polofeta foki au ofaipe koe ; ti na masau mai se aselo kiate au mei le Eteleno, o pati : Ano o aumai a ia mo koe ki lou fale, ti ke kai e ia se pane mo inu e ia se vai. Na loi a ia kiate ia.

Pesalemo 101:7

Ko leia e mauli i le kaia e leaise nofo loa i loku fale ; Ko leia e fai ia ni loi e leaise tuu loa i oku mua.

Pesalemo 116:11

Na kau pati i loku mamae : e kaka tagata fuli.

Ekesote 20:15

Aua na ke kaia.

Ekesote 20:16

Aua na ke fakamaoki loi ki lou oloi.

Ekesote 20:17

Aua na ke manumanu loa ki le fale o lou oloi ; aua na ke manumanu loa ki le avaga o lou oloi, pe ko lana tagata fakasausau, pe ko lana fafine fakasausau, pe ko lana pipi, pe ko lana asino, pe ko se nea fua leia e maua e lou oloi.

Ekesote 22:1

Kapau e kaia e se tagata se pipi pe ko se akeno, ti e tamate e ia a ia pe fakatau e ia a ia, e liufaki loa e ia ni pipi e lima ke totogi ai le pipi mo ni akeno e fa ke totogi ai le akeno.

Ekesote 22:7

Kapau e tuku e se tagata ke taupau e se tasi tagata se siliva pe ko ni nea, ti e kaia loa a nea ana i lona fale, e liufaki loa e le tagata kaia a nea o liuga lua mo kapau e maua a ia.

Ekesote 23:1

Aua na ke fakamafola ia loa ni loi. Aua na ke kau loa mo le tagata agaveli o fai se fakamaoki loi ke saofaki ai a ia.

Taagapati 24:28

Aua na ke fakamaoki ki lou oloi i se nea leia na leaise ke tio mata ki ai ; Pe ke loto ke ke loi i ou laugutu ?

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Levitiko 19:10

Aua na ke tau loa le nea leia e toe i lau vite, ti aua na ke tanaki loa a fuai vite ala kua vivilo ki lalo. E ke tuku loa a nea ana ki le mativa mo le matapule. Ko au ko le Eteleno, ko lokoutou Atua.

Loma 3:4

E leai ai ! Ke maoki le Atua, kae loi tagata fuli, o mulimuli ki le nea leia kua tosi : O tupu ke maua a koe e faitotonu i au masau, Ti ke ke malo i lou fakamaau.

Efeso 4:25

Koia ke kotou tiaki le loi, kae kotou tasi masau i le maoki ki lona oloi ; talie ko koga tino koutou o le tino e tasi.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Tetelonome 5:19

Ke aua na ke kaia loa.

Kolose 3:9

Aua na kotou feloiaki, talie kua kotou tiaki le tagata afea mo ana gaoi,

Uluaki tosi kia Timoteo 1:10

ki le kau fai feauaki, mo le kau fakalialia, mo le kau kaia tagata, mo le kau gutu loiloi, mo le kau fakamaoki loi, ti mo nea fuli ala e fakafesagai ki le akonaki totonu,

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.