Levitiko 19:10 - Tosi Tapu

¹⁰ Aua na ke tau loa le nea leia e toe i lau vite, ti aua na ke tanaki loa a fuai vite ala kua vivilo ki lalo. E ke tuku loa a nea ana ki le mativa mo le matapule. Ko au ko le Eteleno, ko lokoutou Atua.

Levitiko 19:10 ပူးပေါင်းရင်းမြစ်များ

Esaia 17:6

E toe loa se ganea ke taetaega, ofaipe le oki leia o le lulu o se olive, Lua, tolu fa olive, i le tumutumu, Fa, lima, i ona laa ala na fua.

Esaia 24:13

Talie kua tatau i le fenua mo loto malie o kakai, Pe ka oki le olive i le lu, Pe ka oki le vite i le tau, E leaise toe se nea.

Selemia 49:9

Kapau e au kiate koe ni kau tau vite, Pe leaise lotou fakatoe loa se nea ? Kapau e au kiate koe ni kau kaia i le pouli, E lotou maumaui fai le nea leia e lotou mafai.

Levitiko 11:44

Talie ko au ko le Eteleno, ko lokoutou Atua ; e kotou maokioki loa, talie e kau maokioki ; ti aua na kotou kelekele loa i se manu i manu fuli ana ala e totolo i aluga o le kele.

Levitiko 19:11

Aua na kotou kaia loa, ti aua na kotou fai fakakaka loa, pe feloiaki loa leia ki leia.

Levitiko 19:25

I le lima o fetuu, e kotou kai loa olatou fua, ti e kotou tanaki loa latou. Ko au ko le Eteleno, ko lokoutou Atua.

Levitiko 19:9

Ka kotou tuuti loa a fua i lokoutou fenua, e ke tuku loa se ga potu o lau faisaga, o leaise ke tuuti loa lona fua, ti e leaise ke tanaki loa le nea leia e toe i lau faisaga.

Levitiko 23:22

Ka kotou fai loa le tuuti o le fulumeto i lokoutou fenua, e ke tuku loa se ga koga o lou faisaga leia e leaise ke tuuti loa, ti aua na ke tae loa le nea leia e toe. E ke tuku loa a ia ki le mativa mo le matapule. Ko au ko le Eteleno, ko lokoutou Atua.

Levitiko 25:6

Kae e kotou kai loa le nea leia e fakatupu loa e le kele i le lolotoga o lona sapato, e koe, mo lau tagata fakasausau, mo lau fafine fakasausau, mo lau tagata gaoi, mo le matapule leia e nofo mo koe,

Apetiasi 1:5

Kapau e au ni tagata kaia mo ni tagata maumau i le pouli ki lou fale, Pe leaise lotou too loa au nea fuli, Kae ke nofo noa loa ? Ti kapau e ulu ni tagata tauvite ki lau faisaga vite, Pe leaise lotou tuku loa se ga nea fua e tasi ?…

Mikea 7:1

Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Tetelonome 24:19

Ka ke fai loa le tanaki o le fulumeto o lou faisaga, ti ka galo loa iate koe se fuiga fulumeto i le faisaga, ke aua na ke toe liliu loa ki muli o too a ia : E ke tuku loa a ia ki le matapule, mo le fanau leia e sala tamana, mo le fafine leia e sala avaga, o tupu ke tapuaki kiate koe le Eteleno, lou Atua, i gaoi fuli o ou lima.

Tetelonome 24:20

Ka ke tau loa ou olive, ke aua na ke toe tau loa le nea leia e toe : E ke tuku loa a ia ki le matapule, mo le fanau leia e sala tamana, ti mo le fafine leia e sala avaga.

Tetelonome 24:21

Ka ke tau loa a fua o lou vite, ke aua na ke toe tanaki loa le nea leia e toe : E ke tuku loa a ia ki le matapule, mo le fanau leia e sala tamana, mo le fafine leia e sala avaga.

Tuifakamaau 8:2

Na pati loa Seteone kia latou : Kolea le nea kua fai o fakatatau ki leia na kotou aga o fai ? Pe na leaise lasi ake le fulumeto leia na taetae e Efalaimi i muli, i le fulumeto leia na tuuti e Apiesele i mua ?

Lute 2:2

Na pati loa a Lute, le fafine Moape, kia Naomi : E kau kole atu kiate koe, ke ke tuku au ke kau ano o taetae ni taulu fulumeto i le faisaga o leia e alofa loa kiate au. Na tali loa Naomi kiate ia : Ano, ei loku taine.