Levitiko 18:5 - Tosi Tapu

⁵ Kotou tausi loa aku lao mo aku fakatotonu : ko le tagata leia e fai ia loa latou e mauli loa ia latou. Ko au ko le Eteleno.

Levitiko 18:5 ပူးပေါင်းရင်းမြစ်များ

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Ekesote 6:2

Ti na toe masau loa le Atua kia Moisese : Ko au ko le Eteleno.

Ekesote 6:29

Na pati loa le Eteleno kia Moisese : Ko au ko le Eteleno. Fakasa kia Falaone, ko le sau o Esipito, a nea fuli ala e kau pati atu ki ai.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esekiele 18:9

Leia e mulimuli ki aku lao ti e tausi ia aku fakatotonu o gaoi i le agatonu, ko lena le tagata leia e agatonu, leia e mauli loa, e pati le Aliki, le Eteleno.

Esekiele 20:11

Ti na kau soli loa kia latou aku lao ti na kau fakasasa loa kia latou aku fakatotonu, ala e tonu ke fai e le tagata, o tupu ke mauli ai.

Esekiele 20:13

Kae na agatuu loa le fale o Iselaele kiate au i le toafa. Ti na leaise lotou mulimuli loa ki aku lao, ti na lotou tiaki loa aku fakatotonu, ala e tonu ke fai e le tagata o tupu ke mauli ai, ti na lotou maumaui fakaveliveli loa aku sapato. Koia na kau maua ai loa le manatu ke liligi kia latou loku sausau i le toafa, o tupu ke fakapuli ai latou.

Esekiele 20:21

Kae na agatuu loa a vosa kiate au. Ti na leaise lotou mulimuli loa ki aku pelesepeto, ti na leaise lotou tausi mo fai loa aku fakatotonu, ala na tonu ke fai e le tagata ke mauli ai, ti na lotou maumaui loa aku sapato. Na kau maua loa le manatu ke liligi loku sausau kia latou, ke fakavilo loku sausau katoa kia latou i le toafa.

Levitiko 18:6

Aua na fakafeofi loa se tasi o koutou ki lona kaiga totonu, ke sufegi lona telefua. Ko au ko le Eteleno.

Malakia 3:6

Talie ko au ko le Eteleno, e leaise kau fetogi. Ti ko koutou, fanau a Sakopo, na leaise kotou fetogi foki.

Mateo 19:17

Na tali loa Sesu kiate ia : Kolea e ke vesili mai ai kiate au o uiga mo le nea e malie ? Ko se toka tasi e malie ko le Atua. Kapau e ke fia ulu ki le mauli, tausi a fakatotonu. Na pati loa a ia kia Sesu : A fakatotonu fea ?

Luka 10:28

Na pati loa Sesu kiate ia : Kua ke tali totonu, fai a ia, ti e ke mauli loa.

Loma 10:5

Koia na fakasa ai e Moisese le faitotonu leia e au mei le lao : Ko le tagata leia e fai ia a nea ana, e mauli loa ia latou.

Loma 7:10

Koia, ko le fakatotonu leia na taki ia ki le mauli, na ave ia au ki le mate.

Kalate 3:12

Ti e kese foki le lao mo le tui ; kae e pati le lao : ko leia e fai ia loa a nea fuli ana e mauli loa i ai.

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.