Levitiko 18:30 - Tosi Tapu

³⁰ Kotou tausi loa aku fakatotonu ; ti aua na kotou fai loa se aga fakalialia e tasi i nea fakalialia ala na fai i mua o koutou, ti e leaise kotou kelekele loa. Ko au ko le Eteleno, ko lokoutou Atua.

Levitiko 18:30 ပူးပေါင်းရင်းမြစ်များ

Uluaki tosi o Sau 14:24

Na i ai foki ni tagata faiaga i le fenua. Na lotou fai o fakatautau ki nea fakalialia fuli o puleaga ala na kapu e le Eteleno i mua o fanau a Iselaele.

Uluaki tosi o Sau 21:26

Na fai e Akapo le nea leia na toe fakalialia lasi ake, o ano a ia o atolasio ki taulaatua ofaipe le kau Amole, ala na kapu e le Eteleno i mua o fanau a Iselaele.

Esetalasi 9:1

I le oki o nea fuli ana, na au loa le kau pule, o pati mai kiate au : Ko le kakai o Iselaele, mo le kau faisakilifisio, ti mo le kau Levi, e leaise lotou mavae kese fua mei le kakai o le fenua leinei, ti kua lotou faifaitaki alatou aga fakalialia, a aga a le kau Kanaane, mo le kau Eti, mo le kau Felesi, mo le kau Sepusi, mo le kau Amone, mo le kau Moape, mo le kau Esipito, ti mo le kau Amole.

Levitiko 18:29

Talie ko latou fuli ala e fai ia loa se nea fakalialia i nea fuli ana, e tuuti loa mei lolatou kakai.

Levitiko 19:1

Na masau loa le Eteleno kia Moisese, o pati :

Levitiko 20:23

Aua na kotou mulimuli loa ki aga o puleaga ala ka kau kapu ia loa i okoutou mua ; talie kua fai e puleaga ana ni aga fakalialia, o tupu ai laku fakalialia kia latou.

Levitiko 22:9

E lotou tausi loa aku fakatotonu, o tupu ke aua na lotou amo ia le tua o lalatou agasala ti ke lotou mamate, talie na lotou fakakelekele a nea tapu. Ko au ko le Eteleno, leia e fakamaokioki ia latou.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Tetelonome 12:30

ke ke tokaga ai na ke vilo loa ki le masele o faifaitaki kia latou, i le oki o lau maumaui latou. Ke ke tokaga ai na ke fia ilo loa ki olatou atua, o ke pati loa : E feaki le atolasio o puleaga anei ki olatou atua ? Ko au foki, e kau fia fakatatau kia latou.

Tetelonome 12:31

Ke aua na ke fai fenaaki ki le Eteleno, lou Atua ; talie na lotou tausi ki olatou atua o fai a nea fakalialia fuli ala e vesia ki ai le Eteleno, ti na lotou tutu foki i le afi ki olatou atua, olatou vosa mo olatou taineliki.

Tuifakamaau 20:6

Na kau too loa loku avaga, ti na kau tuutuu loa a ia o fakamomoli ki faasiga fuli o Iselaele. Talie kua lotou fai se nea fakalialia mo fakalumaluma i Iselaele.