Levitiko 18:24 - Tosi Tapu

²⁴ Ke aua na fakakelekele loa koutou e se nea fua e tasi o nea ana. Talie ko nea fuli ana ala na fakakelekele ia a puleaga ala e kau kapu loa i okoutou mua.

Levitiko 18:24 ပူးပေါင်းရင်းမြစ်များ

Senesi 15:16

I le fa o tautupu, e lotou toe liliu mai loa ki leinei ; talie e leikiaise kaku le agasala o le kakai Amole ki lona apele malie.

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Lua tosi o Koloniko 33:2

Na fai loa e ia le nea leia e veli ki mata o le Eteleno, o mulimuli ki aga fakalialia a puleaga ala na kapu e le Eteleno i mua o fanau a Iselaele.

Esetalasi 9:1

I le oki o nea fuli ana, na au loa le kau pule, o pati mai kiate au : Ko le kakai o Iselaele, mo le kau faisakilifisio, ti mo le kau Levi, e leaise lotou mavae kese fua mei le kakai o le fenua leinei, ti kua lotou faifaitaki alatou aga fakalialia, a aga a le kau Kanaane, mo le kau Eti, mo le kau Felesi, mo le kau Sepusi, mo le kau Amone, mo le kau Moape, mo le kau Esipito, ti mo le kau Amole.

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Esekiele 36:17

Vosa o le tagata, i le koi nofo a le fale o Iselaele, i lolatou fenua, na lotou fakakelekele a ia ki alatou aga mo alatou gaoi ; na fai kiate au alatou aga pe le kelekele o se fafine i lona masaki fakafafine.

Levitiko 18:3

Ke aua na kotou fai loa le nea leia e fai i le fenua o Esipito, leia na kotou nofo ai, ti ke aua na kotou fai loa le nea leia e fai i le fenua o Kanaane leia e kau ave koutou ki ai : Ke aua na kotou mulimuli loa ki alatou aga fakafenua.

Levitiko 18:30

Kotou tausi loa aku fakatotonu ; ti aua na kotou fai loa se aga fakalialia e tasi i nea fakalialia ala na fai i mua o koutou, ti e leaise kotou kelekele loa. Ko au ko le Eteleno, ko lokoutou Atua.

Numelo 35:34

E leaise kotou fakakelekele loa le fenua leia ka kotou nonofo ai loa, ti e kau toe nofo ai loa i loto malie o koutou. Talie ko au ko le Eteleno, e kau nofo i loto malie o fanau a Iselaele.

Uluaki tosi ki le kau Kolinto 3:17

Kapau e maumaui e se tasi le fale tapu o le Atua, e maumaui loa a ia e le Atua ; talie e maokioki le fale tapu o le Atua, ti ko lona fale tapu ko koutou.

Tetelonome 12:31

Ke aua na ke fai fenaaki ki le Eteleno, lou Atua ; talie na lotou tausi ki olatou atua o fai a nea fakalialia fuli ala e vesia ki ai le Eteleno, ti na lotou tutu foki i le afi ki olatou atua, olatou vosa mo olatou taineliki.

Tetelonome 18:12

Talie ko leia e fai ia a nea ana e fakalialia a ia ki le Eteleno ; ti e tupu ko nea ana e kapu loa e le Eteleno a puleaga ana i mua o Iselaele.

Tetelonome 9:4

Ka kapu loa latou e le Eteleno, lou Atua, i ou mua, ke aua na ke pati loa i lou loto : ko loku maokioki leia e fakaulu ai au e le Eteleno o maua tofiga le fenua leinei. Talie e kapu latou e le Eteleno i ou mua, o tupu ko le agaveli o puleaga ana.

Tetelonome 9:5

Leai, e leaise se tupu ai ko lou maokioki mo le agatonu o lou loto leia e ke ulu ai loa o maua tofiga lolatou fenua ; kae e tupu ko le agaveli o puleaga ana leia e kapu ai latou e le Eteleno, lou Atua, i ou mua, ti ke fakamaoki ai le folafola leia na fakapapau e le Eteleno ki ou tamana, kia Apalaamo, mo Isaake, mo Sakopo.

Tuifakamaau 20:10

E tou filifili loa i faasiga fuli o Iselaele ni tagata e kau agafulu i le tino lelau, e kau lelau i le tino afe, e afe i le tino agafulu afe. E lotou ano loa o afa ni nea kai ki kau solia ala e ano loa o tau ki Kipea ke tautea ai le kolo lena o tupu ko le aga fakalialia leia na fai e lona kakai i Iselaele.

Tuifakamaau 20:5

Na tutuu ake loa ni tagata o Kipea ke fai kiate au se nea fakalumaluma, ti na lotou takatakai loa i le pouli le fale leia na kau nofo ai. Ko au leia na lotou loto ke tamate, kae na lotou fakavalevale loa ki loku avaga, o kaku ki lona mate.

Tuifakamaau 20:6

Na kau too loa loku avaga, ti na kau tuutuu loa a ia o fakamomoli ki faasiga fuli o Iselaele. Talie kua lotou fai se nea fakalialia mo fakalumaluma i Iselaele.