Levitiko 18:21 - Tosi Tapu

²¹ Aua na ke tuku loa ke momoli i le afi se tasi o au fanau kia Moloke, ti aua na lau veli loa ki le suafa o lou Atua : ko Au ko le Eteleno.

Levitiko 18:21 ပူးပေါင်းရင်းမြစ်များ

Uluaki tosi o Sau 11:33

Ti e soko loa le nea lena, talie kua lotou aga o tiaki au, kae kua lotou su loa i mua o Asetalate, atua o le kau Sitone, mo mua o Kemosi, atua o Moape, ti mo mua o Milekome, atua o vosa o Amone ; talie na leaise lotou saele i oku ala, ke fai le nea leia e totonu ki oku mata mo taupau aku lao mo aku fakatotonu, ofaipe le fai e Tavite, tamana o Salomone.

Uluaki tosi o Sau 11:7

Koia na fakatuu loa e Salomone i le mauga leia e agaaga ki Selusalemi se potu taualuga kia Kemosi, le nea fakalialia o le kau Moape, ti mo Moloke, le nea fakalialia o vosa o Amone.

Lua tosi o Sau 16:3

Na saele loa Akase i le ala o sau o Iselaele ; ti na momoli foki e ia lona vosa i le afi, o mulimuli ki aga fakalialia a atu puleaga pagani, ala na kapu e le Eteleno i mua o fanau a Iselaele.

Lua tosi o Sau 17:31

ti na fai loa e le kakai o Ava le fakatata o Nipesasi mo Taletake ; na tutu loa e le kakai o Sefalevaimi alatou fanau kia Atelameleke mo Anameleke, atua o Sefalevaimi.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Selemia 19:5

Kua lotou fakatuu ni ganea taualuga kia Paale, Ke tutu ai alatou fanau i le afi ko ni failaulau kia Paale : Na leaise kau fakatotonu le nea lena, na e tosi a ia, Ti na leaise ake a ia i laku fakakaukau.

Selemia 32:35

Na lotou fakatuu ni ganea taualuga ki Paale, i le vaivailiua o Pene-Inome, Ke momoli ai i le afi olatou vosa mo olatou taineliki kia Moloke, Nea leia na leaise kau fakatotonu ke fai ; Ti na leaise ake i laku fakakaukau E lotou fai loa ni nea fakalialia felaaki, Ke tupu ai le agasala o Suta.

Selemia 7:31

Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.

Esekiele 20:26

Na kau fakakelekele loa latou ki alatou failaulau, i lalatou tuku olatou uluaki fuli ke fakalaka i le afi ; na kau loto loa i ai ke fakatuaa latou, o tupu ke lotou iloa ko au ko le Eteleno.

Esekiele 20:31

I lakoutou fai akoutou moliga, i lakoutou tuku ke fakalaka akoutou fanau i le afi, e kotou toe fakakelekele foki koutou i le aso nei ki okoutou taulaatua fuli. Ti ko au, pe kau tuku loa ke koutou afa au, e koutou, fale o Iselaele ? E pati le Aliki, le Eteleno : E kau mauli ! e leaise kau tuku loa ke kotou afa au.

Esekiele 23:37

Na la fai ni tono, ti e i ai se toto i ola lima : Na la fai ni tono mo ola taulaatua ; Ti ko fanau ala na la fanaui kiate au, Na la fakalaka latou i le afi ke kai e taulaatua.

Levitiko 19:12

Aua na kotou fai loa se fakamaoki loi i loku suafa, talie e ke fakakelekele loa i ai le suafa o lou Atua. Ko au ko le Eteleno.

Levitiko 21:6

E lotou maokioki loa ki lolatou Atua ; ti e leaise lotou fakamatagafua loa le suafa o lolatou Atua, talie e lotou momoli ki le Eteleno a failaulau tutu e le afi, le nea kai o lolatou Atua : e lotou maokioki loa.

Levitiko 22:2

Masau kia Alone mo ona vosa ke lotou fakaapaapa ki nea tapu ala kua momoli mai kiate au e fanau a Iselaele, ti ke aua na lotou fakakelekele loku suafa tapu. Ko au ko le Eteleno.

Levitiko 22:32

Aua na kotou fakakelekele loa loku suafa tapu, talie e kau loto ke iloa e fanau a Iselaele loku maokioki. Ko au ko le Eteleno, leia e fakamaokioki ia koutou,

Levitiko 24:15

E ke masau loa ki le kakai o Iselaele, o ke pati loa : ko leia e takua noa loa ki lona Atua e amo loa e ia lana agasala.

Amosi 2:7

E lotou loto ke tio ki le efu o le kele i le ulu o le kau fakaaloalofa, Ti e lotou tiaki le tagi a le kau mativa. E ano le vosa mo le tamana ki le taine e tasi, O tupu ke fakakelekele loku suafa maokioki.

Amosi 5:26

Kotou ave le falela o lokoutou sau, Le tekiaga vae o okoutou taulaatua, Le fetuu o lokoutou atua Leia na kotou fau kia koutou.

Mikea 6:7

Pe tali loa e le Eteleno ni ovi tagata e afe mo afe, Mo ni vaitafe lolo e miliate mo miliate ? Pe kau soli loa loku vosa uluaki ki aku agatuu ? Le fua o loku manava ki le agasala o loku laumalie ?

Malakia 1:12

Kae ko koutou, e kotou fakakelekele loku suafa, O kotou pati : E kelekele le laupapa o le Eteleno, Ti ko le nea leia e maua i ai ko se nea kai veli.

Gaoi 7:43

Na kotou amo le falela o Moloke Ti mo le fetuu o le taulaatua ko Lemifani, Ko fakatata ana na kotou fau ke atolasio ki ai ! Koia e kau ave ai loa kotou ki mamao atu i Papilone.

Loma 1:23

ti kua lotou fetogi le kololia o le Atua ki ni paaki o ni tagata agasala, mo ni manu lele, mo ni manu vae fa, ti mo ni manu totolo.

Loma 2:24

Talie kua lauvelii le suafa o le Atua i le kau pagani o tupu ko koutou, ofaipe lona tuu i le Tosi.

Tetelonome 12:31

Ke aua na ke fai fenaaki ki le Eteleno, lou Atua ; talie na lotou tausi ki olatou atua o fai a nea fakalialia fuli ala e vesia ki ai le Eteleno, ti na lotou tutu foki i le afi ki olatou atua, olatou vosa mo olatou taineliki.

Tetelonome 18:10

Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,