Levitiko 18:20 - Tosi Tapu

²⁰ Aua na ke sufegi loa le telefua o le avaga o lou oloi, talie ko le nea lena e fakakelekele ia a koe.

Levitiko 18:20 ပူးပေါင်းရင်းမြစ်များ

Lua tosi a Samuele 11:27

I le oki o le putu, na kakau loa e Tavite ke afa mai a ia, ti na fakaulu loa e ia a ia ki lona fale. Na liliu loa Pate-Sepa ko lana avaga, ti na fanaui loa e ia kia Tavite se tama. Kae na veli ai ki le Eteleno le nea leia na fai e Tavite.

Ekesote 20:14

Aua na ke tono.

Taagapati 6:25

Aua na ke manumanu i lou loto ki lona fulumalie, Ti aua na ke tuku ke sese lou loto i ona laumata.

Esekiele 18:6

Leia e leaise kai i aluga o mauga ti e leaise siki ona mata ki taulaatua o le fale o Iselaele, leia e leaise tono mo le avaga o lona oloi ti e leaise fakafeofi ki se fafine i lona masaki fakafafine,

Levitiko 20:10

Kapau e fai loa e se tagata se tono mo se fafine avaga, kapau e fai loa e ia se tono mo le avaga o lona oloi, e tautea loa ki le mate le tagata mo le fafine ala na tono.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Numelo 5:13

ti kapau na momoe loa se tagata mo ia, ti na fufu le nea lena ki lona avaga ; ti kapau na fakakelekele fakafufu loa le fafine, kae na leaise maua loa se tasi ke fakamaoki ki le nea lena, talie na leaise tio totonu loa se tasi ki ai ;

Loma 2:22

Ko koe, leia e ke pati ke aua na tono, e ke tono ! Ko koe, leia e ke fakalialia ki taulaatua, e ke kai a nea tapu !

Uluaki tosi ki le kau Kolinto 6:9

Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Kalate 5:19

E mailoga malie a gaoi o le kanofi ; ko le fai feauaki, mo le kelekele, mo le fakavalevale ;

Tetelonome 22:22

Kapau e maua loa se tagata leia e momoe mo se fafine avaga, e la mamate toka lua loa, le tagata leia na momoe mo le fafine, mo le fafine foki. E ke too loa i ai le veli i loto malie o Iselaele.

Tetelonome 22:25

Kae kapau ko le ulu vao leia na felavei ai le tagata lena mo le taine tupulaga leia na feauaki mo se tagata, ti kapau na too le taine e le tagata o momoe mo ia, ko le tagata toka tasi leia na momoe mo le taine, e fakatuaa loa ki le mate.

Tetelonome 5:18

Ke aua na ke tono loa.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.