Levitiko 17:4 - Tosi Tapu

⁴ ti e leaise aumai loa e ia a ia ki le uluaga o le falela tapu, o momoli ki le Eteleno, i mua o le falela o le Eteleno, e lau loa le toto ki le tagata lena ; kua liligi e ia le toto, e tuuti loa le tagata lena mei lona kakai.

Levitiko 17:4 ပူးပေါင်းရင်းမြစ်များ

Senesi 17:14

Ko le toe tagata leia e leaise silikosisio loa i lona tino, e fakamavae loa a ia i lona kakai, talie kua tiaki e ia laku sai.

Pesalemo 32:2

Manuia le tagata leia e leaise lau ki ai e le Eteleno lana agaveli, Ti e leaise maua se kaka i lona loto !

Ekesote 12:15

I aso e fitu, e kotou kai loa ni pane sala fakatupu. E kamata loa mei le uluaki aso, e leaise toe maua loa se fakatupu i okoutou fale ; talie ko tagata fuli ala e kai loa ki se pane fakatupu, mei le uluaki aso o kaku ki le fitu o aso, e tuuti loa a ia mei Iselaele.

Ekesote 12:19

I aso e fitu, ke aua na toe maua loa se fakatupu i okoutou fale, talie ko tagata fuli ala e kai loa ki se pane fakatupu, e tuuti loa latou mei le fakatasiga o Iselaele, tatau aifai pe ko se matapule pe ko se tagata totonu o le fenua.

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Ekesote 30:38

Ko leia e fai ia loa se kaloni fenaaki ke sauga a ia ki ai, e tuuti loa a ia mei lona kakai.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Esekiele 20:40

Talie e folafola le Aliki, le Eteleno, o pati : I loku mauga maokioki, i le mauga taualuga o Iselaele, e tausi loa au i ai e le fale katoa o Iselaele, mo latou fuli ala e nonofo i le fenua ; ti e kau tali malie loa latou i ai, ti e kau afa loa akoutou moliga, a uluaki fua o okoutou nea alofa, mo nea fuli ala e kotou momoli mai loa kiate au.

Levitiko 1:3

Kapau ko lana moliga ko se manu lasi ki le failaulau, e momoli loa e ia se manu tagata lee mele ; e momoli loa e ia le manu i le uluaga o le falela tapu, i mua o le Eteleno, ke tali malie loa a ia e le Eteleno.

Levitiko 17:10

Kapau e kai loa e se tagata o Iselaele pe ko se tagata matapule leia e nofo i loto malie o latou se toto o se manu, e kau fulusi loa oku mata ki leia kua kai ia le toto, ti e kau tuuti loa a ia mei loku kakai.

Levitiko 17:14

Talie ko le mauli o kanofi fuli, ko lona toto, leia e nofo iate ia. Koia leia na kau pati ai ki fanau a Iselaele : ke aua na kotou kai loa le toto o se manu fua, talie ko le mauli o kanofi fuli ko lona toto. Ko leia e kai ia loa a ia e tuuti loa a ia mei lona kakai.

Levitiko 17:3

Ka tamate e se tagata o le fale o Iselaele se pipi, pe ko se ovi, pe ko se koti fafine, i le nofolaga pe i fafo o le nofolaga,

Levitiko 17:5

Ko le nea lena ke aua na tamate e fanau a Iselaele alatou manu i le vao, kae ke lotou aumai latou ki le tagata faisakilifisio, i le uluaga o le falela tapu, ti ke lotou momoli latou ki le Eteleno i ni sakilifisio fakafetai.

Levitiko 17:9

ti e leaise aumai loa e ia a ia ki le uluaga o le falela tapu, ke momoli ki le Eteleno, e tuuti loa le tagata lena mei le kakai.

Levitiko 18:29

Talie ko latou fuli ala e fai ia loa se nea fakalialia i nea fuli ana, e tuuti loa mei lolatou kakai.

Levitiko 20:16

Kapau e fakafeofi loa se fafine ki se manu, ke momoe mo ia, e tamate loa le fafine mo le manu.

Levitiko 20:18

Kapau e momoe loa se tagata mo se fafine i lona menise, o tio ki lona telefua, ti kapau e tio le tagata ki le sali o le toto, ti kapau e tio foki le fafine ki le sali o lona toto, ko se nea veli a ia ; e tuuti loa laua toka lua mei lola kakai.

Levitiko 20:3

Ti ko au, e kau tagaki loa oku mata ki le tagata lena ti e kau tuuti loa a ia mei lona kakai, talie kua momoli e ia lana fanau kia Moloke, ti kua fakakelekele e ia loku sagatualio, ti kua fakamatagafua e ia loku suafa tapu.

Levitiko 3:2

E teki loa e ia lona lima ki le fa ulu o le manu, ti e tamate loa e ia le manu i le uluaga o le falela tapu. E liligi loa e le kau faisakilifisio, vosa o Alone, le toto i le takatakai katoa o le aletale.

Levitiko 7:18

Kae kapau e soko loa kua kai e se tagata le kanofi o lana sakilifisio komunio i le tolu o aso, e leaise tali loa e le Eteleno le sakilifisio ; e ano noa loa lana sakilifisio kiate ia, talie kua veli le inati ki nea fakalotu. Ko leia e kai loa ki le nea lena e agasala loa.

Soane 10:7

Na toe pati loa Sesu kia latou : E maoki, e maoki, e kau pati atu kia koutou, ko au ko le matapa o ovi.

Soane 10:9

Ko au ko le matapa. Kapau e ulu se tasi iate au, e mauli loa a ia ; e ulu loa a ia ki loto ti ulu loa ki fafo, o maua i ai ni faisaga sesega.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Loma 4:6

Ofaipe le fakasa foki e Tavite le manuia o le tagata leia e tuku ki ai e le Atua le faitotonu, sala gaoi :

Loma 5:13

Talie na nofo le agasala i le malama nei o kaku ki le lao. Kae na leaise lau le agasala, talie na leaise lao.

Loma 5:20

Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia,

Tetelonome 21:8

Eteleno, fakamolemole ki lou kakai ko Iselaele, leia na ke totogi. Aua na ke tuku le toto mea ki lou kakai ko Iselaele, ti e leaise tuku loa kiate ia le toto lena.