Levitiko 17:11 - Tosi Tapu

¹¹ Talie ko le mauli o le tino e nofo i le toto. E kau soli atu a ia kia koutou i aluga o le aletale, o tupu ke fai ai le fakamalie ki okoutou laumalie ; talie ko le toto leia e fai ia le fakamalie ki le laumalie, talie ko le toto ko le mauli a ia.

Levitiko 17:11 ပူးပေါင်းရင်းမြစ်များ

Senesi 9:4

Kae ke aua fua na kotou kai loa se kanoi manu mo lona laumalie, mo lona toto.

Levitiko 1:5

E tamate loa e ia le pipi tagata muli i mua o le Eteleno ; ti e momoli loa e tagata faisakilifisio, vosa o Alone, le toto, o liligi loa a ia i le takatakai katoa o le aletale leia e tuu i le uluaga o le falela tapu.

Levitiko 16:11

E momoli loa e Alone lana pipi tagata fakamolemole kiate ia totonu mo mo lona famili. E tamate loa e ia lana pipi tagata fakamolemole.

Levitiko 17:12

Koia na kau pati ai ki fanau a Iselaele : ke aua na kai loa le toto e se tasi o koutou, ti ke aua na kai loa le toto e le matapule leia e nofo i loto malie o koutou.

Levitiko 17:14

Talie ko le mauli o kanofi fuli, ko lona toto, leia e nofo iate ia. Koia leia na kau pati ai ki fanau a Iselaele : ke aua na kotou kai loa le toto o se manu fua, talie ko le mauli o kanofi fuli ko lona toto. Ko leia e kai ia loa a ia e tuuti loa a ia mei lona kakai.

Levitiko 4:25

E tooi loa e le tagata faisakilifisio lona maikao ki le toto o le vikitima leia na momoli ki le agasala, ti e pooi loa e ia ki le toto a tala o le aletale o failaulau, ti e liligi loa e ia le toto katoa ki le vae o le aletale o failaulau.

Levitiko 4:26

Ti e tutu loa e ia le gako katoa i aluga o le aletale, ofaipe le sakilifisio fakafetai. Ko lena loa le nea leia e tonu ke fai e le tagata faisakilifisio ki le tagata pule ke fakamolemole ai lana agasala, ti e fakamolemole loa a ia e le Eteleno.

Levitiko 8:15

Ti na tamate loa e Moisese le pipi tagata, ti na too loa e ia le toto, o pooi ki ai a tala o le aletale ki lona maikao, ke fakamea ai a ia ; ti na liligi loa e ia le toe o le toto ki le vae o le aletale. Ko lena le nea leia na fai loa e ia ke fakatapui ai le aletale, o tupu ke feala ai lona fakaaoga ki le fai o sakilifisio fakamolemole o agasala.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Maleko 14:24

Ti na pati loa Sesu kia latou : Ko le nea leinei ko loku toto, ko le toto o le sai foou, leia e liligi o tupu ko le toka api.

Loma 3:25

Ko ia leia kua fakatuutuu e le Atua ko le failaulau fakamolemole o agasala kia latou ala e tui loa ki lona toto, o tupu ke fakasa ai lana faitotonu, talie na leaise fakatuaa e ia a agasala ala na fai i mua, i le temi o lona kataki fualoa.

Loma 5:9

Koia, i le temi leinei kua tou fakamatatonu ai e lona toto, e toe asilisili saofaki loa e ia tatou mei le sausau.

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Tetelonome 12:23

Koleia fua, ke ke tokaga ai na kai loa le toto, talie ko le toto ko le mauli a ia : ti e leaise ke kai fakatasi loa le mauli mo le kanofi.

Kolose 1:14

leia e tou maua ai le totogi, ti mo le fakamolemole o agasala.

Kolose 1:20

ti na loto a ia ke fakatokatoka iate ia a nea fuli mo ia totonu, tatau a nea ala i le malama nei ti mo nea ala i le lagi, o fai le tokamalie iate ia i le toto o lona koluse.

Epelo 13:12

Koia na mate ai foki Sesu i le tua kolo, o tupu ke fakamea ai le kakai ki lona toto totonu.

Epelo 9:22

Ti na teitei a nea fuli ke fakamea ki le toto, o mulimuli ki le lao, talie kapau e leaise liligi se toto, ti e leaise maua se fakamolemole.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,