Levitiko 17:10 - Tosi Tapu

¹⁰ Kapau e kai loa e se tagata o Iselaele pe ko se tagata matapule leia e nofo i loto malie o latou se toto o se manu, e kau fulusi loa oku mata ki leia kua kai ia le toto, ti e kau tuuti loa a ia mei loku kakai.

Levitiko 17:10 ပူးပေါင်းရင်းမြစ်များ

Senesi 9:4

Kae ke aua fua na kotou kai loa se kanoi manu mo lona laumalie, mo lona toto.

Lua tosi a Samuele 23:17

Na pati loa a ia : Ke mamao iate au, ei Eteleno, le inu o le vai leinei ! Pe kau inu loa le toto o tagata anei na ano o soli olatou mauli ? Ti na leaise loto a ia ke inu a ia. Ko lena le nea na fai e tagata toa ana e toka tolu.

Pesalemo 34:16

E tio a mata o le Eteleno ki le kau agatonu, Ti e logo ona taliga ki alatou tagi.

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Selemia 21:10

Talie kua kau tuku oku mata ki le kolo leinei, ke fai kiate ia le veli kae leai le malie, e pati le Eteleno ; e tuku loa a ia ki lima o le sau o Papilone, leia e tutu ia loa a ia ki le afi.

Selemia 44:11

Koia e folafola le Eteleno o kau tau, le Atua o Iselaele, o pati : Ko leinei, e tio fakaagatonu oku mata kia koutou, ke kau fai kia koutou se nea veli, ti ke kau motusi a Suta katoa.

Esekiele 14:8

E kau fakaagaaga loa oku mata ki le tagata lena, ti e kau gaoii loa a ia ko se fakamailoga mo se nea takuga, ti e kau tuuti loa a ia i lotolotoga o loku kakai. Ti e kotou iloa loa ko au ko le Eteleno.

Esekiele 15:7

E kau fakaaga loa oku mata kia latou. Na lotou sao i se afi, kae e tutu loa latou e se tasi a afi. Ti e kotou iloa loa ko au ko le Eteleno, Mo ka kau fakaaga loa oku mata kia latou.

Esekiele 33:25

Koia ke ke pati kia latou : E folafola le Aliki, le Eteleno, o pati : E kotou kai akoutou nea kai mo le toto, ti e kotou siki okoutou mata ki okoutou taulaatua, ti e kotou liligi le toto. Ti e kotou maua loa i ai le fenua !

Esekiele 44:7

Talie kua kotou fakaulu ki loto o loku sagatualio ni kau matapule lee silikosisio i le loto ti lee silikosisio i le kanofi, ke kelekele ai loku fale ; ti kua kotou momoli laku pane, le gako mo le toto, ki akoutou nea fakalialia fuli, ti kua kotou motusi laku sai.

Levitiko 17:11

Talie ko le mauli o le tino e nofo i le toto. E kau soli atu a ia kia koutou i aluga o le aletale, o tupu ke fai ai le fakamalie ki okoutou laumalie ; talie ko le toto leia e fai ia le fakamalie ki le laumalie, talie ko le toto ko le mauli a ia.

Levitiko 19:26

Aua na kotou kai loa se nea mo se toto. Aua na kotou vavakai loa a gata, pe ko ao ke kotou maua mei ai ni kikite.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Amosi 9:4

Kapau e lotou ano loa ki le popula i mua o olatou fili, E kau fakatotonu loa ki le seleta ke tamate latou i ai ; E kau fakaagaaga loa oku mata kia latou, Ke kau fai se veli kae leai se malie.

Gaoi 15:20

kae ke tou fai se tosi kia latou ke lotou fakamamao mei fakalialia o taulaatua, mo le fai feauaki, mo manu mamate, ti mo le toto.

Gaoi 15:29

ke iloa : ke kotou fakamamao mei inati kua momoli ki taulaatua, mo le toto, mo manu mamate, ti mo le fai feauaki ; e malie kia koutou ke fakamamao mei nea ana. Nonofo la.

Tetelonome 12:16

Koleia fua, ke aua na kotou kai loa le toto. Kae ke kotou liligi a ia ki le kele ofaipe le vai.

Tetelonome 12:23

Koleia fua, ke ke tokaga ai na kai loa le toto, talie ko le toto ko le mauli a ia : ti e leaise ke kai fakatasi loa le mauli mo le kanofi.

Tetelonome 15:23

Koleia fua, ke aua na ke kai loa le toto o le manu ; kae e ke liligi loa a ia ki le kele, ofaipe le vai.

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Uluaki tosi a Samuele 14:32

ti na oso loa a ia ki koloa o le fili. Na too loa e ia ni ovi, mo ni pipi, mo ni uviki pipi, ti na tamate loa e ia latou i le kele, o kai mo le toto.

Uluaki tosi a Samuele 14:33

Na fakasa loa le nea lena kia Saulo, o pati : Ko leinei, kua agasala le kakai ki le Eteleno, o tupu kua kai e ia mo le toto. Na pati loa Saulo : Kua kotou fai se agatuu ; kotou aumai nei kiate au se fatu lasi.