Levitiko 16:8 - Tosi Tapu

⁸ Ti e toso loa e ia ke iloa le koti tagata leia e tonu ke momoli ki le Eteleno, mo le koti tagata leia e tonu ke tuku kia Asasele.

Levitiko 16:8 ပူးပေါင်းရင်းမြစ်များ

Taagapati 16:33

E fai se toso ke iloa le nea leia ke fai, Kae e au a tonu fuli mei le Eteleno.

Esekiele 48:29

Ko lena loa le fenua leia e kotou aga loa o vaevae ko lokoutou tofiga, ki faasiga o Iselaele o mulimuli ki le toso, ko na loa a vaega, e pati le Aliki, le Eteleno.

Levitiko 16:10

Kae ki le koti tagata leia e tuku kia Asasele, e fakaaoga loa a ia ki le tootooga o le fakamolemole o agasala : e fakatuu loa le koti tagata mauli lena i mua o le Eteleno, i mua o lona kapu ke ano kia Asasele i le toafa.

Levitiko 16:26

Ko leia na kapu ia le koti tagata kia Asasele, e tonu ke fo loa e ia ona kofu, ti ke fufulu loa e ia lona kuaga i le vai ; ti o ulu loa a ia ki le nofolaga.

Levitiko 16:7

Ti e ave loa e ia a koti tagata e lua ki mua o le Eteleno, i le uluaga o le falela tapu,

Levitiko 16:9

Ti e ave loa e ia le koti tagata leia kua fakasa e le toso ke tuku ki le Eteleno, ti e momoli loa e ia a ia ki le fakamalie.

Sonasi 1:7

Ti na masau loa le kau vaka ia latou, o pati : Kotou au ke tou toso pe ko ai leia e tupu ai le malaia leinei. Na lotou toso loa, ti na to loa le toso kia Sonasi.

Numelo 26:55

Kae e fai loa le vae o le fenua ki le toso ; e lotou maua loa a ia o mulimuli ki igoa o faasiga o olatou tamana.

Numelo 33:54

Ke kotou vae loa le fenua ki le toso, o mulimuli ki okoutou faasiga. E kotou soli loa se kele lasi ki le faasiga leia e api lona kakai, mo se kele ikiiki ki le faasiga leia e teiki lona kakai. E maua loa e le faasiga taki tasi le fenua leia e soli loa kiate ia e le toso : E tuku atu loa le tofiga lena kia koutou, o mulimuli ki faasiga o okoutou tamana.