Levitiko 16:4 - Tosi Tapu

⁴ E tui loa e ia ki lona tino se kofu lino loa, ti mo se vavae loto lino ; e toi loa e ia se kilipipi lino ti e uufi loa e ia lona fa ulu ki se puloga lino ; kae e tonu ke maanu loa a ia i mua o le tui o nea ana, talie ko kofu tapu latou.

Levitiko 16:4 ပူးပေါင်းရင်းမြစ်များ

Ekesote 28:2

E ke fai loa ki lou taokete ko Alone, ni kofu tapu, ke fakamailoga ai lona aliki, ti ke kofu ki ai i lana gaoi.

Ekesote 29:4

E ke taki loa Alone mo ona vosa ki le matapa ulu o le falela, ti e ke fakamaanu loa latou ki se vai.

Ekesote 30:20

Ka lotou ulu loa ki le falela, e lotou fakamea loa ki le vai lena, o tupu ke aua na lotou mamate loa ; ti e toe tatau foki mo ka lotou fakafeofi loa ki le aletale o gaoi mo momoli ni sakilifisio ki le Eteleno.

Ekesote 40:12

E ke fakasaele loa Alone mo ona vosa ki le matapa o le falela tapu, ti e ke fakamea loa latou ki se vai.

Esaia 53:2

Na tupu ake a ia o lasi i ona mua ofaipe se ga laakau gaegae, Ofaipe se uli leia e somo ake i se kele malo ; Na leaise maua e ia se fulumalie, pe ko se gigila ke tapa ki otou mata, Ti na leaise nea fua iate ia ke tou alofa ai kiate ia.

Esekiele 44:19

Ti ka lotou ulu loa o ano ki le malae fafo ki le kakai, e lotou tatala loa a teu ala na lotou fai ai le tausi, ti e lotou tuku loa latou i ni kogafale o le fale tapu ; e lotou toe tui loa ni iki ake a teu, o tupu ke aua na maokioki le kakai i lalatou lave ki teu.

Esekiele 9:2

Ti ko leinei, na kaku mai ni tagata e toka ono i le ala o le matapa aluga leia e aga ki le potu noleto, o tasi mo ia lana masafu ke tamate i lona lima. Na i ai se tagata i loto malie o latou leia na kofu ki se kofu tea fulumalie, ti na tau i lona vakavaka se tanakiaga nea fai tosi. Na lotou au loa o tutuu ofi ki le aletale sila.

Levitiko 16:23

E ulu loa Alone ki le falela tapu ; e tatala loa e ia a kofu lino ala na tui e ia o ulu ki le sagatualio, ti e tuku loa e ia latou i ai.

Levitiko 16:24

E fufulu loa e ia lona tino ki se vai i se ganea tapu, ti e toe tui loa e ia ona kofu. Ti e ulu loa a ia ki fafo, o momoli loa lana failaulau, mo le failaulau a le kakai, ti e fai loa e ia le fakamalie kiate ia totonu mo le kakai.

Levitiko 16:32

E fai loa le fakamalie e le tagata faisakilifisio leia kua pani ki le lolo tapu ti kua oki i le fakanofo o fetogi ia lona tamana i le tuulaga o le tagata faisakilifisio lasi. E tui loa e ia a kofu lino tapu,

Levitiko 6:10

E leaise fakamoso fakatasi loa a ia mo se fakatupu. Talie ko se vaega a ia leia kua kau tuku kia latou i aku moliga tutu. Ko se nea maokioki lasi a ia, ofaipe le sakilifisio ki le agasala mo le sakilifisio ki le faisala.

Levitiko 6:3

E tui loa e le tagata faisakilifisio lona kofu tea mo ona vavae loto tea ki lona tino ; ti e too loa e ia i le aletale le mugalafu o le sakilifisio tutu, ti e tanaki loa e ia a ia i tafa o le aletale.

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Filipe 2:7

kae na fakamativa a ia totonu, o fakatatau a ia ki se tagata fakasausau, o liliu a ia o tatau mo tagata ; ti na sa loa a ia ofaipe se tagata maoki,

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,