Levitiko 16:34 - Tosi Tapu

³⁴ E tuu loa le nea lena kia koutou ko se lao lee gato : e fai tua tasi loa i le fetuu le fakamalie a fanau a Iselaele, o tupu ko alatou agasala. Ti na fai loa le nea leia na fakatotonu e le Eteleno kia Moisese.

Levitiko 16:34 ပူးပေါင်းရင်းမြစ်များ

Ekesote 27:21

E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.

Ekesote 30:10

E tua tasi i le fetuu, e fai loa e Alone le fakamalie i tala o le aletale ki le toto o le failaulau fakamalie o le agasala ; e fai tua tasi loa e ia i le fetuu ni fakamalie ki le agasala i le aletale, i okoutou tautupu fuli. Ko se nea maokioki lasi a ia ki le Eteleno.

Ekesote 39:43

Na tioi loa e Moisese a gaoi fuli ; ti ko leinei, kua lotou fai a nea fuli o mulimuli totonu ki nea ala na fakatotonu e le Eteleno, na lotou fai fenaaki loa. Ti na tapuaki loa Moisese kia latou.

Levitiko 16:2

Na pati loa le Eteleno kia Moisese : Masau ki lou taina ko Alone, ke aua na ulu fakalaluvale ki le sagatualio, ki leia atu fetuu o le lito tapono, leia e tuku ai le aleka mo lona tapono tapu ; talie e kau sa loa i ai i le ao, i aluga o le tapono tapu o le aleka, ti e feala loa ke mate ai a ia.

Levitiko 17:1

Na masau loa le Eteleno kia Moisese, o pati :

Levitiko 23:28

Aua na kotou fai loa se gaoi masani i le aso lena, talie ko le aso a ia o le fakamalie, leia e tonu ke fai ai kia koutou le fakamalie i mua o le Eteleno, ko lokoutou Atua.

Levitiko 23:31

Aua na kotou fai loa se gaoi fua e tasi. Ko se lao a ia ke tuku sosolo i okoutou tautupu, i ganea fuli ala e kotou nonofo ai loa.

Levitiko 24:23

Na masau loa Moisese ki fanau a Iselaele ; ti na lotou fakamavae loa le tagata leia na lauveli mei le nofolaga, ti na lotou tuki fatui loa a ia. Na mulimuli loa fanau a Iselaele ki le fakatotonu leia na tuku e le Eteleno kia Moisese.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Numelo 29:7

I le aso kau agafulu o le fitu o masina, e kotou fai loa se fakatasi tapu, ti e kotou sesunio loa, ti e leaise kotou fai loa se gaoi fakamalama.

Epelo 10:14

Talie, i se failaulau e tasi, na ave e ia ki le malie tukupau o lee gato latou ala kua fakamaokioki.

Epelo 10:3

Kae e fakafoou e sakilifisio ana i fetuu fuli le fakamanatu o agasala.

Epelo 9:25

Ti na leaise ulu a ia ki ai ke momoli a ia totonu o tua mauke, ofaipe le ulu a le pule fai sakilifisio i fetuu fuli ki le sagatualio o momoli se toto kese ;

Epelo 9:7

Kae ki le lua potu o le tapenakulo, e ulu ki ai le pule fai sakilifisio toka tasi o tua tasi i le fetuu, kae tonu ke ave e ia ki ai se toto, kiate ia totonu ti mo agasala a le kakai.