Levitiko 16:29 - Tosi Tapu

²⁹ Ko le lao leinei e kotou tausi loa o lee gato : i le aso kau agafulu o le masina fitu, e kotou sesunio loa, ti aua na kotou fai loa se gaoi fua e tasi, e koutou mo le tagata totonu o le fenua, ti mo le matapule leia e nofo mo koutou.

Levitiko 16:29 ပူးပေါင်းရင်းမြစ်များ

Uluaki tosi o Sau 8:2

Na fakatasi loa a tagata fuli o Iselaele ki le sau ko Salomone, i le aso lasi o le masina ko Etanime, leia ko le fitu o masina.

Esetalasi 3:1

I le masina fitu, ko fanau a Iselaele, ala kua nonofo loa i olatou kolo, na loto tasi fuli loa ke fakatasi ki Selusalemi.

Esetalasi 8:21

I le ganea lena, i le kauvai o le vaitafe ko Aava, na kau fakatotonu loa se sesunio fakamamae i mua o lomatou Atua, o tupu ke kole kiate ia ke puipui lomatou fanoga, mo amatou fanau, ti mo amatou nea fuli.

Pesalemo 35:13

Kae ko au, i le aso leia na lotou masaki ai, na kau kofu se taga, Na kau fakamamae loku laumalie i le sesunio, Na kau peluki loku ulu ki loku fatafata, ti na kau faikole.

Pesalemo 69:10

Talie kua tutu au e le mafi ki lou fale, Ti ko nukinuki a latou ala e lauveli kiate koe e vilo mai kiate au.

Ekesote 12:16

I le uluaki aso, e kotou fai loa se fakatasi tapu ; ti i le fitu o aso, e kotou toe fai loa se fakatasi tapu. E leaise fai loa se gaoi i aso ana ; ko le nea e tasi leia e fakataga ko le teuteui o le nea kai a le tagata taki toka tasi.

Ekesote 20:10

Kae ko le fitu o aso ko le aso malolo a ia o le Eteleno, lou Atua : e leaise ke toe fai loa se gaoi, tatau fai a koe, mo lou vosa, mo lou taine, mo lau tagata fakasausau, mo lau fafine fakasausau, mo lau manu, ti mo le matapule leia e nofo i lou lotoa.

Ekesote 30:10

E tua tasi i le fetuu, e fai loa e Alone le fakamalie i tala o le aletale ki le toto o le failaulau fakamalie o le agasala ; e fai tua tasi loa e ia i le fetuu ni fakamalie ki le agasala i le aletale, i okoutou tautupu fuli. Ko se nea maokioki lasi a ia ki le Eteleno.

Ekesote 31:14

E kotou tausi loa le sapato, talie ko se aso tapu lena kia koutou. Ko leia e maumaui ia loa a ia, e tua loa a ia ki le mate ; ko leia e fai ia loa se gaoi i le aso lena, e tuuti loa a ia mei lona kakai.

Ekesote 31:15

E gaoi loa i aso e ono ; kae ko le fitu o aso ko le sapato, ko le aso malolo a ia kua fakatapui ki le Eteleno. Ko leia e fai ia loa se gaoi i le aso o le sapato, e tua loa a ia ki le mate.

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Esaia 58:3

Kolea le uiga o lamatou sesunio, mo kapau e leaise ke tio mai kia matou ? O le fakamamae omatou laumalie, mo kapau e leaise ke tokaga ki ai ? Ko leinei, i le aso o lokotou sesunio, e kotou fakataga a nea fuli ala e kotou oli ki ai, Ti e kotou fai fakamakeke ki akoutou tagata gaoi fuli.

Esaia 58:5

Pe ko le sesunio lena e kau maua ai loku fiafia, Se aso leia e fakamamae ai e le tagata lona laumalie ? Ko le peluki le ulu ofaipe se fa u, Ti mo le moe i le taga mo le mugalafu, Pe ko le nea lena e ke fakaigoa loa ko se sesunio, Se aso malie ki le Eteleno ?

Taniela 10:12

Na pati mai loa a ia kiate au : Taniela, aua na ke i ki se nea ; talie talu mei le uluaki aso leia na ke loto ai ke ke matala, ti na ke fakataulalo ai i mua o lou Atua, na logo a ia ki au masau, ti ko au masau ala kua tupu ai laku au.

Taniela 10:3

Na leaise kau kai loa se nea kai malie, ti na leaise ulu loa se kanoi manu pe ko se vino ki loku gutu, ti na leaise kau pani loa se lolo o kaku ki le oki o vasaa ana e tolu.

Levitiko 23:21

I le aso fai lena, e kotou fakasa loa le aso lasi, ti e kotou fai loa se fakatasi tapu : aua na kotou fai loa se gaoi masani. Ko se lao tuku sosolo a ia ki okoutou tautupu, i ganea fuli ala e kotou nonofo ai loa.

Levitiko 23:3

E gaoi loa i aso e ono ; kae ko le fitu o aso ko le sapato a ia, ko le aso malolo : e kotou fai loa i ai se fakatasi tapu. E leaise kotou fai loa se gaoi : ko le sapato a ia o le Eteleno, i okoutou fale fuli.

Levitiko 23:36

I aso e fitu, e kotou momoli loa ki le Eteleno ni sakilifisio tutu e le afi. I le valu o aso, e kotou fai loa se fakatasi tapu, ti e kotou momoli loa ki le Eteleno ni sakilifisio tutu e le afi ; ko se fakatasi tapu loa a ia : aua na kotou fai loa se gaoi masani.

Levitiko 25:9

I le aso kau agafulu o le masina fitu, e ke fakatatagi loa le leo makeke o le fakatagi pupusi ; i le aso lasi o le fakamalie, e kotou pupusi loa le fakatagi pupusi i le fenua katoa.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Numelo 29:7

I le aso kau agafulu o le fitu o masina, e kotou fai loa se fakatasi tapu, ti e kotou sesunio loa, ti e leaise kotou fai loa se gaoi fakamalama.

Gaoi 27:9

Ti kua sili foki se temi fualoa ai, ti kua soko loa le temi faigataa o le fai folau i le tai, talie kua oki le temi sesunio leia e malie ki le folau.

Uluaki tosi ki le kau Kolinto 11:31

Kapau e tou asiasii tatou totonu, e leaise tautea loa tatou.

Epelo 4:10

Talie ko leia e ulu ki le maloloaga o le Atua e malolo a ia i ana gaoi, ofaipe le Atua na malolo a ia i ana gaoi.

Uluaki tosi a Samuele 7:6

Na lotou asu loa se vai o liligi i mua o le Eteleno, ti na lotou sesunio loa i le aso lena, o pati : Kua motou agasala ki le Eteleno ! Na fakamaaui loa e Samuele a fanau a Iselaele i Misipa.