Levitiko 16:24 - Tosi Tapu

²⁴ E fufulu loa e ia lona tino ki se vai i se ganea tapu, ti e toe tui loa e ia ona kofu. Ti e ulu loa a ia ki fafo, o momoli loa lana failaulau, mo le failaulau a le kakai, ti e fai loa e ia le fakamalie kiate ia totonu mo le kakai.

Levitiko 16:24 ပူးပေါင်းရင်းမြစ်များ

Ekesote 28:40

E ke fai loa ki vosa o Alone ni kofu loloa, ti e ke fai loa ni olatou nonoa fakateuteu, ti e ke fai loa ni olatou puloga, o tupu ke fakamailoga ai lolatou aliki ti ke lotou teu ki ai.

Ekesote 28:41

E ke tui loa a teu ana ki lou taokete ko Alone, ti mo ona vosa. E ke liligi loa le lolo tapu ki olatou ulu, ti e ke fakatapui loa latou, ti e ke vaei kese loa latou, ti e lotou nofo loa o gaoi kiate au i le gaoi fakapelepitelo.

Esekiele 42:14

Ka ulu loa a tagata faisakilifisio ki loto, e leaise mafai loa ke lotou mavae i le fale tapu o ulu ki le malae tafa. E tonu ke lotou tuku a teu ala na lotou tui ke fai ai le tausi i kogafale ana, talie e maokioki a teu ana ; e lotou tui loa ni iki ake a teu i ai i mua o lalatou ano ki le kakai.

Levitiko 14:9

I le fitu o aso, e toe tele loa e ia ona fului ulu, mo lona kaukava, mo ona tua mata, ti mo ona fulu fuli, ti e toe fo loa e ia ona kofu, ti e toe maanu loa a ia ke mea, ti o mea loa a ia.

Levitiko 16:25

E tutu loa e ia i aluga o le aletale le gako o le vikitima o le fakamalie.

Levitiko 22:6

Ko leia e lave loa ki nea ana e kelekele loa a ia o kaku ki le afiafi ; e leaise kai loa e ia ni nea tapu, kae fufulu loa e ia lona tino i le vai.

Levitiko 9:7

Na pati loa Moisese kia Alone : ke ke fakafeofi ki le aletale ; momoli lau sakilifisio o le fakamolemole mo lau failaulau, ti ke fai le fakamolemole kiate koe mo le kakai ; ti ke momoli foki le sakilifisio a le kakai, ti ke fai le fakamolemole kiate ia, o mulimuli ki le fakatotonu a le Eteleno.

Epelo 9:10

ti ko nea ana, mo nea kai, mo nea inu, ti mo fakamea kesekese, ko ni lekula fakatino latou, ala na fakatuu fua o kaku ki se temi leia e fakafoou ai latou.