Levitiko 16:23 - Tosi Tapu

²³ E ulu loa Alone ki le falela tapu ; e tatala loa e ia a kofu lino ala na tui e ia o ulu ki le sagatualio, ti e tuku loa e ia latou i ai.

Levitiko 16:23 ပူးပေါင်းရင်းမြစ်များ

Esekiele 42:14

Ka ulu loa a tagata faisakilifisio ki loto, e leaise mafai loa ke lotou mavae i le fale tapu o ulu ki le malae tafa. E tonu ke lotou tuku a teu ala na lotou tui ke fai ai le tausi i kogafale ana, talie e maokioki a teu ana ; e lotou tui loa ni iki ake a teu i ai i mua o lalatou ano ki le kakai.

Esekiele 44:19

Ti ka lotou ulu loa o ano ki le malae fafo ki le kakai, e lotou tatala loa a teu ala na lotou fai ai le tausi, ti e lotou tuku loa latou i ni kogafale o le fale tapu ; e lotou toe tui loa ni iki ake a teu, o tupu ke aua na maokioki le kakai i lalatou lave ki teu.

Levitiko 16:22

E amo loa e le koti tagata lena a agasala fuli, o ave ki se kele kaka. E kapu loa le koti tagata ki le toafa.

Levitiko 16:4

E tui loa e ia ki lona tino se kofu lino loa, ti mo se vavae loto lino ; e toi loa e ia se kilipipi lino ti e uufi loa e ia lona fa ulu ki se puloga lino ; kae e tonu ke maanu loa a ia i mua o le tui o nea ana, talie ko kofu tapu latou.

Levitiko 6:11

E kai loa ki ai a tagata fuli o fanau a Alone. Ko se lao lee gato a ia ki okoutou sakoga, o uiga mo moliga tutu ki le Eteleno : ko leia e lave loa ki ai, e maokioki loa a ia.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.