Levitiko 16:17 - Tosi Tapu

¹⁷ E leaise nofo loa se tasi i le falela tapu i le temi leia e ulu ai loa Alone o fai le fakamalie i le potu taputapu, o kaku ki lana toe ulu ake ki fafo. E fai loa e ia le fakamolemole kiate ia totonu, mo lona famili, ti mo le kakai katoa o Iselaele.

Levitiko 16:17 ပူးပေါင်းရင်းမြစ်များ

Uluaki tosi o Koloniko 6:34

vosa o Elekana, vosa o Selosame, vosa o Eliele, vosa o Toaki,

Ekesote 34:3

Ke aua na pale loa se tasi mo koe, ti ke aua na sa loa se tasi i le mauga katoa ; ti ke aua na kai loa ni kau ovi, mo ni kau pipi i le mauga lena.

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Levitiko 16:16

E fai fenaaki loa e ia le fakamalie i le sagatualio o tupu ko kelekele a fanau a Iselaele mo maumau fuli ala na lotou agasala ai. E toe fai fenaaki loa e ia ki le falela tapu, leia e nofo mo latou i loto malie olatou kelekele.

Levitiko 16:18

I lana mavae mei ai, e ano loa a ia ki le aletale leia e tuu i mua o le Eteleno, ti e fai loa e ia le fakamalie ki le aletale ; e too loa e ia se toto o le pipi tagata mo le koti tagata, ti e pooi loa e ia ki ai a tala o le aletale i le takatakai katoa.

Luka 1:10

Na nofo le kakai katoa o faikole i fafo i le momoli o le nea fakamanogi.

Gaoi 4:12

E leaise fakamauli i se tasi kese, talie e leaise se tasi ake igoa i le lalo lagi nei kua soli ki le tagata, leia e tonu ke tou mauli ai.

Uluaki tosi kia Timoteo 2:5

Talie ko le Atua e tasi, ti mo le tagata fakasokopati e tasi i le vasaa o le Atua mo tagata, ko Sesu-Kilisito tagata,

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 9:7

Kae ki le lua potu o le tapenakulo, e ulu ki ai le pule fai sakilifisio toka tasi o tua tasi i le fetuu, kae tonu ke ave e ia ki ai se toto, kiate ia totonu ti mo agasala a le kakai.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.