Levitiko 15:29 - Tosi Tapu

²⁹ I le valu o aso, e too loa e ia ni kulukulu e lua pe ko ni lupe e lua, ti e ave loa e ia laua ki le tagata faisakilifisio, i le uluaga o le falela tapu.

Levitiko 15:29 ပူးပေါင်းရင်းမြစ်များ

Levitiko 12:6

Ti ka oki loa a aso o lona fakamea, tatau fai ki le tama mo le taine, e ave loa e ia ki le tagata faisakilifisio i le matapa o le falela tapu, se akeno fetuu tasi ki le failaulau, ti mo se lupe pe ko se kulukulu ki le sakilifisio o le fakamolemole.

Levitiko 12:8

Ti kapau e leaise maua e ia se nea leia ke totogi ai se akeno, e too loa e ia ni kulukulu e lua pe ko ni lupe muli e lua, ko se tasi ki le failaulau, ti ko se tasi ki le sakilifisio o le fakamolemole. E fai loa e le tagata faisakilifisio kiate ia le fakamalie, ti e mea loa a ia.

Levitiko 15:14

I le valu o aso, e too loa e ia ni kulukulu e lua pe ko ni lupe e lua, ti e ano loa a ia o tuku laua ki le tagata faisakilifisio, i mua o le Eteleno, i le uluaga o le falela tapu.

Levitiko 15:28

Ka oki loa le sali o le toto, e talitali loa le fafine i ni aso e fitu, ti o mea loa a ia.

Levitiko 15:30

E momoli loa e le tagata faisakilifisio se manu lele e tasi ki le sakilifisio o le fakamolemole, ti ko le tasi manu lele ki le failaulau. Ti e fai loa e ia ki le fafine, i mua o le Eteleno, le sakilifisio ke fakamea ai loa a ia i lona masaki toto.

Levitiko 9:1

I le valu o aso, na kalagai loa e Moisese a Alone mo ona vosa, ti mo le kau fakamatuatua o Iselaele.

Numelo 6:10

I le valu o aso, e ave loa e ia ni kulukulu e lua pe ko ni lupe e lua ki le tagata faisakilifisio, i mua o le uluaga o le falela tapu.

Mateo 21:12

Na ulu loa Sesu ki le fale tapu o le Atua. Na kapu loa e ia latou fuli ala na fai fakatau ti mo totogi koloa i le fale tapu ; na tekai loa e ia a laupapa o le kau fetogi paaga, ti mo ekeekeaga o le kau fakatau lupe.