Levitiko 15:27 - Tosi Tapu

²⁷ Ti ko leia e lave loa ki le moeaga lena pe ko le ekeekeaga lena, e tonu ke fo loa e ia ona kofu, ti ke maanu loa a ia totonu ; ti e kelekele loa a ia o kaku ki le afiafi.

Levitiko 15:27 ပူးပေါင်းရင်းမြစ်များ

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Esekiele 36:29

E kau saofaki loa koutou i okoutou kelekele fuli. E kau fakamauli loa le fulumeto kia koutou, ti e kotou maua loa ni taukai lalasi ; ti e leaise kau toe aumai loa kia koutou le oge.

Levitiko 11:24

E fakakelekele loa koutou e manu lele ana : ti ko leia e lave loa ki ni manu mate e kelekele loa a ia o kaku ki le afiafi,

Levitiko 15:13

Ka oki loa le sasali leia na fakakelekele ia le tagata, e tonu ke talitali loa le tagata lena i ni aso e fitu, ti o mea loa a ia ; e tonu ke fo loa e ia ona kofu, ti ke maanu loa a ia totonu i se vai matapuna, ti o mea loa a ia.

Levitiko 15:21

Ko leia e lave loa ki lona moeaga, e tonu ke fo loa e ia ona kofu, ti ke maanu loa a ia totonu, ti e kelekele loa a ia o kaku ki le afiafi.

Levitiko 15:26

Ti ko moeaga fuli ala e moe ai loa le fafine lena mo ekeekeaga fuli ala e eke ai loa a ia, e kelekele loa, ofaipe le temi o lona menise.

Levitiko 15:28

Ka oki loa le sali o le toto, e talitali loa le fafine i ni aso e fitu, ti o mea loa a ia.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Numelo 19:22

E kelekele loa nea fuli ala e lave loa ki se tagata kelekele, ti ko leia e lave loa kiate ia e toe kelekele loa a ia o kaku ki le afiafi.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.