Levitiko 15:19 - Tosi Tapu

¹⁹ Ka menise loa se fafine, o sali se toto mei lona tino, e kelekele loa a ia i ni aso e fitu. Ti ko leia e lave loa kiate ia, e toe liliu loa a ia o kelekele, ti e kelekele loa a ia o kaku ki le afiafi.

Levitiko 15:19 ပူးပေါင်းရင်းမြစ်များ

Tagi laulau a Selemia 1:17

Na folasi e Sione ona lima, Kae na leaise fakapelepele a ia e se tasi ; Na kakau e le Eteleno kia Sakopo a fili i ona tafatafa ; Na fai Selusalemi pe se nea fakalialia i loto malie o latou.

Esekiele 36:17

Vosa o le tagata, i le koi nofo a le fale o Iselaele, i lolatou fenua, na lotou fakakelekele a ia ki alatou aga mo alatou gaoi ; na fai kiate au alatou aga pe le kelekele o se fafine i lona masaki fakafafine.

Levitiko 12:2

Masau ki fanau a Iselaele, o pati kia latou : ka tinae loa se fafine, ti ka fanaui loa e ia se tama, e kelekele loa a ia i aso e fitu ; e kelekele loa a ia ofaipe le temi o lona menise.

Levitiko 12:4

Ti e toe nofo kelekele loa le fafine i ni iki a aso e kau tolu ke fakamea ai a ia i lona toto ; e leaise lave loa a ia ki se nea leia e tapu, pe ano loa a ia ki le sagatualio, o kaku ki le oki o le temi katoa o lona fakamea.

Levitiko 15:20

Ko moeaga fuli ala e moe ai loa a ia mo ekeekeaga fuli ala e eke ai loa a ia, i lona menise, e kelekele loa.

Levitiko 20:18

Kapau e momoe loa se tagata mo se fafine i lona menise, o tio ki lona telefua, ti kapau e tio le tagata ki le sali o le toto, ti kapau e tio foki le fafine ki le sali o lona toto, ko se nea veli a ia ; e tuuti loa laua toka lua mei lola kakai.

Levitiko 22:5

pe ko leia e lave loa ki se manu totolo o tupu ai lona kelekele, pe ko se tagata leia kua maua e se nea kelekele fua o kelekele ai.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Maleko 5:25

Ti na i ai se fafine leia na pupuke talu mei fetuu e kau agafulu tupu lua.