Levitiko 15:18 - Tosi Tapu

¹⁸ Ti kapau e momoe loa se tagata mo se fafine, e tonu ke la fakamea loa toka lua, ti e la kelekele loa o kaku ki le afiafi.

Levitiko 15:18 ပူးပေါင်းရင်းမြစ်များ

Lua tosi a Samuele 11:4

Ti na kakau loa e Tavite ni tagata avelogo ke afa mai a ia. Na au loa a ia kia Tavite, ti na momoe loa Tavite mo ia. I le oki o lona fakamea, na toe liliu loa Pate-Sepa ki lona kaiga.

Pesalemo 51:5

Talie e kau iloa aku sala : Ti e tuu mau laku agasala i oku mua.

Ekesote 19:15

Ti na pati loa a ia ki le kakai : Ke teuteu ki le tolu o aso. Ke aua na kotou momoe mo okoutou avaga.

Levitiko 15:16

Ka sali loa mei se tagata lona sua vai fakatagata, e tonu ke fakamea loa e ia lona tino katoa ; ti e kelekele loa a ia o kaku ki le afiafi.

Levitiko 15:17

Ko kofu fuli, mo kie kafu fuli, mo kili fuli ala e lave ki ai le sua vai fakatagata, e tonu ke fakamea loa ki se vai, ti e kelekele loa a ia o kaku ki le afiafi.

Levitiko 15:5

Ti ko leia e lave loa ki le moeaga lena, e tonu ke fo loa e ia ona kofu, ti ke maanu loa a ia totonu ; ti e kelekele loa a ia o kaku ki le afiafi.

Uluaki tosi ki le kau Kolinto 6:12

E taga a nea fuli kiate au, kae e leaise aoga a nea fuli ; e taga a nea fuli kiate au, kae e leaise kau tuku loa ke kau popula ki se nea fua e tasi.

Uluaki tosi ki le kau Kolinto 6:18

Kotou sola mei le fai feauaki ! Ko agasala fuli ake ala e fai e se tagata, e fai i tafa o le tino ; kae ko leia e fai ia le fai feauaki e agasala a ia ki lona tino totonu.

Lua tosi kia Timoteo 2:22

Sola mei oli fakavale o le temi tupulaga, ti ke afa le maokioki, mo le tui, mo le alofa, mo le tokamalie mo latou ala e kalaga ki le Aliki i se loto mea.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.