Levitiko 15:16 - Tosi Tapu

¹⁶ Ka sali loa mei se tagata lona sua vai fakatagata, e tonu ke fakamea loa e ia lona tino katoa ; ti e kelekele loa a ia o kaku ki le afiafi.

Levitiko 15:16 ပူးပေါင်းရင်းမြစ်များ

Levitiko 15:17

Ko kofu fuli, mo kie kafu fuli, mo kili fuli ala e lave ki ai le sua vai fakatagata, e tonu ke fakamea loa ki se vai, ti e kelekele loa a ia o kaku ki le afiafi.

Levitiko 15:18

Ti kapau e momoe loa se tagata mo se fafine, e tonu ke la fakamea loa toka lua, ti e la kelekele loa o kaku ki le afiafi.

Levitiko 15:5

Ti ko leia e lave loa ki le moeaga lena, e tonu ke fo loa e ia ona kofu, ti ke maanu loa a ia totonu ; ti e kelekele loa a ia o kaku ki le afiafi.

Levitiko 22:4

Ko tagata fuli o le faasiga o Alone, leia e maua ia loa le kilia pe ko se masaki fakatagata, e leaise kai loa e ia a nea tapu o kaku ki lona mea. E toe tatau ki leia e lave loa ki se tasi leia kua kelekele i se mate, pe ko leia na sali lona sua vai fakatagata i le pouli,

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Tetelonome 23:12

E ke vaei loa se ganea kese i fafo o le nofolaga solia, ke ke ano loa ki ai o faikauga.

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.