Levitiko 15:15 - Tosi Tapu

¹⁵ E momoli loa e le tagata faisakilifisio se manu lele e tasi ki le sakilifisio o le fakamolemole, ti mo se tasi manu lele ki le failaulau. Ti e fai loa e ia ki le tagata lena i mua o le Eteleno, le tootooga leia e fakamea ia loa a ia i lona masaki fakatagata.

Levitiko 15:15 ပူးပေါင်းရင်းမြစ်များ

Levitiko 11:24

E fakakelekele loa koutou e manu lele ana : ti ko leia e lave loa ki ni manu mate e kelekele loa a ia o kaku ki le afiafi,

Levitiko 11:25

Ti ko leia e ave ia loa ni manu mate, e fo loa e ia ona kofu ti e kelekele loa a ia o kaku ki le afiafi.

Levitiko 11:27

Ti mo manu vae fa fuli ala e saele ki le alofivae : ko leia e lave loa ki le tino o le manu mate e kelekele loa a ia o kaku ki le afiafi,

Levitiko 11:28

Ti ko leia e ave ia loa se manu mate e fakamea loa e ia ona kofu, ti e kelekele loa a ia o kaku ki le afiafi.

Levitiko 11:31

Ke kotou iloa ko manu ana e kelekele : ti ko leia e lave loa ki se manu mate e kelekele loa a ia o kaku ki le afiafi.

Levitiko 11:32

Ko nea fuli ala e vilo loa ki ai se manu mate, ofaipe se ipu laakau, pe se kofu, pe se kilii manu, pe se kete, pe se kulo, e kelekele loa a ia o kaku ki le afiafi, ti o toe mea loa a ia.

Levitiko 11:39

Ti kapau e mate loa se manu leia e feala ke kai, e kelekele loa leia e lave loa ki ai o kaku ki le afiafi.

Levitiko 11:40

Ti ko leia e kai loa ki lona kanofi e fakamea loa e ia ona kofu, ti e kelekele loa a ia o kaku ki le afiafi ; ti e tatau mo leia e ave ia loa le manu mate, e fakamea loa e ia ona kofu, ti e kelekele loa a ia o kaku ki le afiafi.

Levitiko 12:7

E ave loa laua e le tagata faisakilifisio ki mua o le Eteleno, ti e fai loa e ia le fakamalie ; ti e mea loa le fafine i lona toto. Ko le lao a ia ki le fafine leia na fanaui ia se tama pe ko se taine.

Levitiko 12:8

Ti kapau e leaise maua e ia se nea leia ke totogi ai se akeno, e too loa e ia ni kulukulu e lua pe ko ni lupe muli e lua, ko se tasi ki le failaulau, ti ko se tasi ki le sakilifisio o le fakamolemole. E fai loa e le tagata faisakilifisio kiate ia le fakamalie, ti e mea loa a ia.

Levitiko 4:20

Ti e fai loa e ia ki le pipi tagata lena ofaipe lana fai ki le pipi tagata leia na momoli e ia ki lana agasala totonu. Ko lena le nea leia e tonu ke fai e le tagata faisakilifisio ki le kakai o Iselaele ki le fakamolemole o lana agasala, ti e fakamolemole loa a ia kia latou e le Atua.

Levitiko 4:26

Ti e tutu loa e ia le gako katoa i aluga o le aletale, ofaipe le sakilifisio fakafetai. Ko lena loa le nea leia e tonu ke fai e le tagata faisakilifisio ki le tagata pule ke fakamolemole ai lana agasala, ti e fakamolemole loa a ia e le Eteleno.

Levitiko 4:31

E tatala loa e ia le gako fuli, ofaipe lana tatala le gako o le sakilifisio fakafetai, ti e tutu loa e ia le gako lena i aluga o le aletale, ti ko se nea a ia e manogi malie loa ki le Eteleno. Ko lena le nea leia e tonu ke fai e le tagata faisakilifisio o uiga mo le fakamolemole o le agasala a le tagata lena, ti e fakamolemole loa a ia kiate ia e le Eteleno.

Levitiko 4:35

Ti e tatala loa e ia le gako fuli, ofaipe le tatala o le gako o le akeno i le sakilifisio fakafetai, ti e tutu loa e ia a ia i aluga o le aletale, ofaipe se sakilifisio tutu i mua o le Eteleno. Ko lena le nea leia e tonu ke fai e le tagata faisakilifisio ki le tagata lena, o tupu ke fakamolemole ai lana agasala na fai, ti e fakamolemole loa a ia kiate ia e le Eteleno.

Numelo 15:25

E fai loa e le tagata faisakilifisio le fakamalie ki le fakatasi o fanau fuli a Iselaele, ti e fakamolemole loa kia latou ; talie na lotou agasala fakafuanoa, ti kua lotou ave lalatou moliga, ko se sakilifisio tutu e le afi ki le Eteleno ti ko se vikitima fakamalie i mua o le Eteleno, o tupu ko le agasala leia na lotou fai fakafuanoa.

Numelo 25:13

Ko le sai lena kiate ia mo lona sakoga, leia e lotou liliu ai ko ni tagata faisakilifisio o lee gato, talie na fakasa e ia lona alofa ki lona Atua ti na fai e ia le fakamalie ki fanau a Iselaele.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.