Levitiko 14:8 - Tosi Tapu

⁸ E fo loa e le tagata lena ona kofu, ti e tele loa e ia ona fulufulu fuli, ti e maanu loa a ia ke mea. Ti o feala loa ke ulu a ia ki le nofolaga, kae e nofo loa a ia i fafo o lona falela i ni aso e fitu.

Levitiko 14:8 ပူးပေါင်းရင်းမြစ်များ

Lua tosi o Koloniko 26:21

Na kilia loa le sau ko Osiasi o kaku ki lona mate, ti na nofo kilia loa a ia i se fale leia na tuu kese, talie na fakamavae loa a ia mei le fale o le Eteleno. Ti na taki loa e Sotame, lona vosa, le fale o le sau, ti na lagiaki loa e ia le kakai o le fenua.

Ekesote 19:10

Ti na pati loa le Eteleno kia Moisese : Toe liliu ki le kakai, ti ke pati kia latou ke lotou fakamea i le aso nei mo apogipogi, ti ke lotou fakamea olatou teu.

Ekesote 19:14

Na ifo loa Moisese mei le mauga ki le kakai. Na fakamaokioki loa e ia le kakai, ti na lotou fakamea loa olatou kofu.

Levitiko 11:25

Ti ko leia e ave ia loa ni manu mate, e fo loa e ia ona kofu ti e kelekele loa a ia o kaku ki le afiafi.

Levitiko 14:20

Ti ka oki loa a ia, e tamate loa e ia le manu o le failaulau. Ti e tutu katoa loa e ia le manu i aluga o le aletale, o fakatasi mo le moliga falina. Ti e fai loa e ia ki le tagata lena le fakamolemole, ti e mea loa a ia.

Levitiko 14:9

I le fitu o aso, e toe tele loa e ia ona fului ulu, mo lona kaukava, mo ona tua mata, ti mo ona fulu fuli, ti e toe fo loa e ia ona kofu, ti e toe maanu loa a ia ke mea, ti o mea loa a ia.

Levitiko 15:13

Ka oki loa le sasali leia na fakakelekele ia le tagata, e tonu ke talitali loa le tagata lena i ni aso e fitu, ti o mea loa a ia ; e tonu ke fo loa e ia ona kofu, ti ke maanu loa a ia totonu i se vai matapuna, ti o mea loa a ia.

Levitiko 8:6

Ti na too loa e Moisese a Alone mo ona vosa, o fakamea latou ki se vai.

Numelo 6:9

Ti kapau e mate fakafokifa loa se tasi i ona tafa, ti kapau e kelekele loa i ai lona ulu leia kua fakatapui, e tele loa e ia lona ulu i le aso o lona fakamea, e tele loa e ia lona ulu i le fitu o aso.

Numelo 8:7

Ko leinei le nea leia ke ke fai loa ke fakamea ai latou. E ke fai loa kia latou se afusi ki le vai o le fakamea ; e lotou tele loa a fulu i olatou kuaga katoa ti e lotou fo loa olatou kofu, ti e lotou mea loa.

Tetelonome 21:12

Koia e ke ave loa a ia ki lou loto fale. E tele loa lona ulu ti e tuuti loa ona matininia,

Uluaki tosi a Petelo 3:21

Ko le vai lena ko le fakatata o le papitema, leia e leaise ko le fakamea o kelekele o le tino, kae ko le fakapapau a se atamai mea ki le Atua, leia foki e saofaki ia koutou i le temi nei ki le toe tuuake o Sesu-Kilisito ;

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.