Levitiko 14:7 - Tosi Tapu

⁷ Ti e fai loa e ia ni afusi e fitu ki le tagata leia e tonu ke fakamea i lona kilia. Ti e fakasa loa e ia kua mea le tagata lena, ti e tuku loa e ia le manu lele mauli ke ano ki le aloalo o le fenua.

Levitiko 14:7 ပူးပေါင်းရင်းမြစ်များ

Lua tosi o Sau 5:10

Na kakau loa e Eliseo ke pati kiate ia : Ano, ti ke uku tua fitu i le Solotane ; e toe malie loa lou tino ti e ke mea loa.

Lua tosi o Sau 5:14

Na ifo loa Naamane, o uku tua fitu i le Solotane, o mulimuli ki le folafola a le tagata a le Atua ; ti na liliu loa lona kili ofaipe se kili o se ga toe memea, ti na mea loa a ia.

Pesalemo 51:2

I le au o le polofeta ko Natane kia Tavite, i le oki o lana ano kia Pate-Sepa.

Pesalemo 51:7

Ko leinei, na kau tupu i le agaveli, Ti na fanaui au e loku tinana i le agasala.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Levitiko 13:13

Ti ka tio loa a ia kua mafola le kili i le kuaga katoa, ti e fakasa loa e ia e mea leia e maua ia le kili lena : kua liliu a ia o tea katoa, kua mea a ia.

Levitiko 13:17

Ti e toe tioi loa e le tagata faisakilifisio le papala, ti kapau e tio loa a ia kua liliu a ia o tea, e fakasa loa e ia e leaise kelekele le papala, ti e leaise kelekele le tagata.

Levitiko 14:51

Ti e too loa e ia le sete, mo le isopa, mo le fului ovi kula, mo le lua o manu lele, ti e ukui loa e ia a nea ana ki le toto o le manu lele leia kua tamate ti mo le vai matapuna, ti e fai loa e ia le afusi o le fale lena o tua fitu.

Levitiko 16:14

E too loa e ia le toto o le pipi tagata, ti e fai loa e ia le afusi ki lona maikao ki mua o le tapono tapu ki le fetuu esite ; ti e fai loa e ia ni afusi o le toto, tua fitu, ki mua o le tapono o le manava alofa.

Levitiko 16:19

E fai loa e ia ki lona maikao ni afusi o le toto e fitu ki aluga o le aletale ; e fakamea loa e ia a ia ti e fakamaokioki loa e ia a ia, o tupu ko kelekele o fanau a Iselaele.

Levitiko 16:22

E amo loa e le koti tagata lena a agasala fuli, o ave ki se kele kaka. E kapu loa le koti tagata ki le toafa.

Levitiko 4:17

E tooi loa e le tagata faisakilifisio lona maikao ki le toto, ti e afusi loa e ia le toto o tua fitu ki le fetuu o le lito tapu leia e sa mai ki tafa, i mua o le Eteleno.

Levitiko 4:6

E tooi loa e ia lona maikao ki le toto, ti e afusi loa e ia a ia o tua fitu ki le fetuu o le lito tapu leia e sa mai ki tafa, i mua o le Eteleno.

Levitiko 8:11

Ti na afusi loa e ia o tua fitu le lolo ki le aletale, mo ona nea gaoi fuli, mo le tanoa fakamea mo lona tuuaga, ke fakatapui ai latou.

Mikea 7:19

E toe manava alofa loa a ia kia matou, E tuku loa e ia ki lalo o ona vae amatou agaveli ; E ke ti loa ki le takele o le moana alatou agasala fuli.

Numelo 19:12

I le tolu o aso mo le fitu o aso, e fakamea loa a ia ki le vai lena, ti e mea loa a ia ; kae, kapau e leaise fakamea loa a ia i le tolu o aso mo le fitu o aso, e leaise mea loa a ia.

Soane 19:34

Kae na sokai loa e se tasi o le kau solia lona vakavaka ki se tao, ti na sali loa mei ai se toto mo se vai.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Epelo 9:13

Talie kapau ko le toto o koti mo uviki pipi tagata, ti mo le mugalafu o se pipi fafine leia e liligi kia latou ala e kelekele, e fakamaokioki ia mo tuku ia le mea o le kanofi,

Epelo 9:19

Ko Moisese, i le oki o lana fakasa i mua o le kakai katoa a fakatotonu fuli o le lao, na too ia loa le toto o uviki pipi mo koti, mo se vai, mo se kie kula, mo se taulu isopa, ti na fai loa e ia le afusi ki le tosi lao totonu ti mo le kakai katoa, o pati :

Epelo 9:21

Na toe fai foki e ia le afusi o le toto ki le tapenakulo ti mo nea fuli o le atolasio.

Epelo 9:26

talie kapau koia ti na tonu loa ke mamae tua mauke Kilisito talu mei le kamataaga o le malama nei. Kae i le temi nei, i le fakaoki o sekulo, na sa a ia o tua tasi ke maumaui ai le agasala ki lona sakilifisio.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Soane 5:6

Ko ia, Sesu-Kilisito, leia na au mo le vai ti mo le toto ; leai mo le vai fuai, kae mo le vai ti mo le toto ; ti ko le Laumalie leia e fakamaoki, talie ko le Laumalie ko le maoki a ia.