Levitiko 14:43 - Tosi Tapu

⁴³ Ti kapau e toe sa loa le sekaseka lena i le fale, i le oki o le too o fatu veveli, mo le ali, ti mo le fakafoou o le fakamomole o paa o le fale,

Levitiko 14:43 ပူးပေါင်းရင်းမြစ်များ

Esekiele 24:13

Selusalemi, kua ke kelekele o tupu ko au aga fakalialia fuli. Na kau loto ke fakamea a koe, kae na leaise ke tuku ke fakamea a koe. Koia e leaise feala loa ke ke liliu o mea, o kaku ki laku liligi kiate koe loku sausau katoa.

Levitiko 14:42

Ti oki, ti e toe too loa ni iki ake a fatu foou o fetogi ai a uluaki fatu, ti e toe fai loa se tasi ake a sima foou, o toe fakamomole ai le fale.

Levitiko 14:44

E ano loa le tagata faisakilifisio o toe tioi foou a ia : ti kapau kua toe sa maoki le pulepule sekaseka, ti ko le fakasa loa a ia e leaise feala ke toe tamate le sekaseka o le fale ; ti e kelekele loa le fale lena.

Levitiko 14:48

Ti kapau, i le oki o lona toe tioi, e tio loa le tagata faisakilifisio e leaise toe sa loa le pule sekaseka i le oki o le fakamomole foou o le fale, ti e fakasa loa e ia e mea le fale lena, talie kua puli le pule sekaseka.

Lua tosi a Petelo 2:20

Koia, kapau i le oki o lolatou mavae mei nea kelekele o le malama nei, o tupu kua lotou iloa le Aliki mo le Fakamauli ko Sesu-Kilisito, e lotou toe tuku loa a nea ana ke toe too ia latou, ti ke toe malo ia latou, e toe veli ake loa lolatou mauli fakamuli i le uluaki.

Lua tosi a Petelo 2:22

Kua soko kia latou le nea leia e pati ki ai le taagapati maoki : Kua toe liliu le kuli ki le nea leia na luluai e ia, ti kua toe uku ki le pela le tigamanu leia kua mea.

Suta 1:12

Ko ni fatu fakatupu agasala latou i akoutou kaitasi, ala e lotou kai fakavalevale ai mo fakalumaluma. Ko ni ao sala vai latou, ala e viligia i matagi. Ko ni laakau latou o le temi fakamamate, ala e sala fua, ti kua mamate tua lua, ti kua taaki mei le kele.