Levitiko 14:34 - Tosi Tapu

³⁴ Ka kotou ulu loa ki le fenua o Kanaane, leia e kau soli loa kia koutou ke kotou maua, kapau e kau fakaea loa se sekaseka i se fale o lokoutou fenua foou,

Levitiko 14:34 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 13:17

Tuu ki aluga, o foli takai le fenua i lona loa mo lona lau lasi, talie e kau soli loa a ia kiate koe.

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Taagapati 3:33

E maua i le fale o le tagata agasala le fakamalaia a le Eteleno, Kae tapuaki a ia ki le fale o tagata agatonu ;

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Levitiko 14:33

Na masau loa le Eteleno kia Moisese mo Alone, o pati :

Levitiko 14:55

Ti mo kilia o kofu, mo pule sekaseka o fale,

Levitiko 20:24

Kua kau pati atu kia koutou : ko koutou ala e maua ia loa lolatou fenua ; e kau soli loa a ia kia koutou ke kotou pule ki ai : ko se fenua a ia leia e tafe ai le sua manu mo le sua meli. Ko au ko le Eteleno, ko lokoutou Atua, leia kua filifili ia koutou i atu puleaga.

Levitiko 23:10

Masau ki fanau a Iselaele, o pati kia latou : Ka kotou ulu loa ki le fenua leia e kau soli atu loa kia koutou, ti kotou fai loa le tuuti o le fulumeto, kotou ave loa ki le tagata faisakilifisio le uluaki fuiga fulumeto leia e kotou tuuti loa.

Levitiko 25:2

Masau ki vosa o Iselaele, ti ke pati loa kia latou : Ka kotou ulu loa ki le fenua leia e kau soli loa kia koutou, e malolo loa le kele : ko se sapato loa a ia ki le Eteleno.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Amosi 6:11

Talie ko leinei, kua fakatotonu e le Eteleno : E tuku loa e ia ke maofa le fale lasi, Ti ke maumau le fale ikiiki.

Mikea 6:9

E kalaga le leo o le Eteleno ki le kolo, Ti ko leia e poto e i loa ki lona suafa. Kotou logo ki le fakaaliali o le tautea ti mo leia e kakau ia a ia !

Sakalia 5:4

E pati le Eteleno o kau tau : E kau liligi a ia ke ulu ki le fale o le tagata kaia ti mo leia e fakapapau loi i loku suafa, o tupu ke nofo i ai o maumaui a nea fuli o kaku ki papa mo fatu.

Numelo 32:22

ti kapau e kotou toe liliu loa i le oki o le fakalogo o le fenua lena ki le Eteleno, e kotou lauatea loa i mua o le Eteleno mo Iselaele, ti e liliu loa le fenua leinei ko lokoutou tofiga i mua o le Eteleno.

Numelo 32:32

E motou too loa amatou masafu ti e motou fakalaka loa i mua o le Eteleno, o ano ki le fenua o Kanaane. Kae ke motou maua lomatou tofiga i le fetuu leinei o le Solotane.

Numelo 35:10

Masau ki vosa o Iselaele, ti ke pati loa kia latou : Ka kotou fakalaka loa i le Solotane ti kotou ulu loa ki le fenua o Kanaane,

Tetelonome 12:1

Ko nei a lekula mo lao ala e kotou tausi loa ti mo fai loa i le fenua leia e soli kia koutou e le Eteleno, le Atua o okoutou tamana, ke kotou maua tofiga.

Tetelonome 19:1

Ka kapu loa e le Eteleno, lou Atua, a puleaga kae tuku atu loa e ia kiate koe lolatou fenua, ka ke kapu ia loa latou kae ke nofo loa i olatou kolo mo olatou fale,

Tetelonome 26:1

Ka ke ulu loa ki le fenua leia e soli atu loa kiate koe e le Eteleno, lou Atua, ke ke maua tofiga, ti ka ke maua loa a ia ti mo ke nofo loa i ai,

Tetelonome 27:3

E ke tosi loa i fatu ana a folafola fuli o le lao leinei, mo ka ke ulu loa ki le fenua leia e soli atu loa kiate koe e le Eteleno, lou Atua, fenua leia e sali ai le sua manu mo le meli, o fai ki le pati atu kiate koe e le Eteleno, le Atua o ou tamana.

Tetelonome 32:49

Ke ke pale ki le mauga o Apalimi, i le tumutumu o le mauga ko Nepo, i le fenua o Moape, i mua o Seliko ; ti ke tio loa ki le fenua o Kanaane leia ka kau soli loa ke maua tofiga e fanau a Iselaele.

Tetelonome 7:15

E fakamamao loa e le Eteleno iate koe a masaki fuli ; e leaise tuku loa e ia kiate koe a masaki veveli ala na ke iloa i Esipito, kae tuku loa e ia latou kia latou fuli ala e vesia kiate koe.

Sosue 13:1

Kua matua loa Sosue ti kua lasi ai ona fetuu. Ti na pati loa le Eteleno kiate ia : Kua ke matua ai ti kua lasi ai ou fetuu, ti e lasi ai le fenua leia koi toe ke ke taui.

Uluaki tosi a Samuele 2:6

E fakamate ti e fakamauli e le Eteleno, E fakaifo e ia ki le nofoaga o le kau mate, ti e toe fakapale ake e ia mei ai.