Levitiko 14:21 - Tosi Tapu

²¹ Kapau e mativa le tagata lena ti e leaise maua e ia se nea leia ke totogi ai a moliga ala e aoga, e too loa e ia se akeno e tasi ki le sakilifisio fakamalie, ti e momoli loa e ia a ia ki le Eteleno o uiga mo lona fakamea. Ti e too loa e ia se moliga nea kai ko kilo falina e tolu ala kua lusi fakatasi mo le lolo, ti mo se vaeluai liti lolo.

Levitiko 14:21 ပူးပေါင်းရင်းမြစ်များ

Sopo 34:19

Leia e leaise tokaga fua ki le mamalu o le kau lalasi, Ti e leaise fakakesekese ia le tagata mou koloa mo le tagata mativa, Talie ko latou fuli ko gaoiaga o ona lima ?

Taagapati 17:5

Ko leia e gologolo ki le mativa e lauveli ki leia na fakatupu ia a ia ; Ko leia e fakafiafia i se malaia e tautea loa.

Taagapati 22:2

E felavei le tagata mou koloa mo le tagata mativa ; Ko le Eteleno leia na fakatupu ia laua toka lua.

Esekiele 46:7

ti ko lana moliga nea kai, ko se efa e tasi ki le pipi tagata, mo se efa e tasi ki le ovi tagata, mo le nea leia e loto a ia ki ai ki akeno, mo se ini lolo e tasi i le efa e tasi.

Levitiko 1:14

Ti kapau ko lana moliga ki le Eteleno ko se manu lele ki le failaulau, e momoli loa e ia ni kulukulu pe ko ni lupe koi muli.

Levitiko 12:8

Ti kapau e leaise maua e ia se nea leia ke totogi ai se akeno, e too loa e ia ni kulukulu e lua pe ko ni lupe muli e lua, ko se tasi ki le failaulau, ti ko se tasi ki le sakilifisio o le fakamolemole. E fai loa e le tagata faisakilifisio kiate ia le fakamalie, ti e mea loa a ia.

Levitiko 14:10

I le valu o aso, e too loa e le tagata lena ni akeno lee mele e lua, mo se ovi fafine fetuu tasi mo lee mele, ti mo se moliga nea kai ko kilo falina e iva ala kua lusi ki le lolo ti mo se vaeluai liti lolo.

Levitiko 14:22

Ti e toe too loa e ia ni kulukulu e lua pe ko ni lupe e lua, o mulimuli ki le nea leia e maua e ia, ko se tasi ki le sakilifisio o le fakamolemole, ti ko se tasi ki le failaulau.

Levitiko 27:8

Ti kapau e mativa veli se tasi ke totogi ai le paaga totonu, e ave loa e ia leia e tonu ke totogi ki mua o le tagata faisakilifisio ; ti e fakafuafua loa e le tagata faisakilifisio le lasi o le totogi o mulimuli ki le nea leia e maua e le tagata lena na fai ia le fakapapau.

Levitiko 5:11

Ti kapau e leaise maua loa e ia se nea leia ke totogi ai ni kulukulu e lua pe ko ni lupe muli e lua, e momoli loa e ia ki lana agasala ni kilo falina tea e fa ; kae e leaise liligi loa e ia se lolo i aluga, pe teki loa e ia i aluga se iseso, talie ko se sakilifisio a ia ki le agasala.

Levitiko 5:7

Ti kapau e leaise maua loa e le tagata se nea leia ke totogi ai se manu ikiiki, pe ko se ovi fafine pe ko se koti fafine, ti e momoli loa e ia ki le Eteleno ki le agasala leia kua visia ai a ia ni kulukulu e lua pe ko ni lupe muli e lua ; e momoli loa e ia se tasi a manu ki le agasala, ti ko le tasi a manu ki le failaulau.

Luka 6:20

Ti na tagaki loa Sesu ki ana tisipulo, o pati : Manuia koutou ala e mativa, talie a koutou le Puleaga o le Atua !

Lua tosi ki le kau Kolinto 8:12

Talie kapau e maua le loto malie ke soli, e tali e le Atua le nea leia e soli o mulimuli ki le nea leia e maua, kae e leai ki le nea leia e leaise maua.

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.