Levitiko 14:14 - Tosi Tapu

¹⁴ E too loa e le tagata faisakilifisio se toto o le vikitima o le fakamalie ; ti e pooi loa e ia ki ai le taliga atamai o le tagata leia e fakamea, mo le maikao matua o lona lima atamai mo lona vae atamai.

Levitiko 14:14 ပူးပေါင်းရင်းမြစ်များ

Ekesote 29:20

E ke tamate loa le ovi tagata ; ti e ke too loa se toto i lona toto, ti e ke takai loa ki ai le potu aluga o le taliga atamai o Alone mo taliga o ona vosa, ti e ke takai loa ki le toto a maikao matua o olatou lima atamai mo le maikao matua o olatou vae atamai, ti e ke liligi loa le toe o le toto ki aluga o le aletale i le tafatafa katoa.

Esaia 1:5

Koa ni tautea foou ke teki kia koutou ? Talie kua kotou liuliuga akoutou agatuu. Kua masaki le fa ulu katoa, Ti kua mamae le mafu katoa.

Levitiko 14:19

Ti e momoli loa e le tagata faisakilifisio le sakilifisio ki le fakamolemole ; ti e fai loa e ia le fakamolemole ki le tagata leia e fakamea i lona kelekele. Ti ka oki loa a ia, e tuuti loa e le tagata faisakilifisio le ua o le manu ki le failaulau.

Levitiko 14:25

E tamate loa e ia le manu, ti e too loa e ia se toto i le toto o le manu, o pooi ki ai le taliga atamai o le tagata lena, mo le maikao matua o lona lima atamai, mo lona vae atamai.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Uluaki tosi ki le kau Kolinto 6:20

Talie kua totogi koutou ki se totogi lasi ai. Koia ke kotou fakakololia le Atua i lokoutou tino mo lokoutou laumalie, ala e maua e le Atua.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Tetelonome 24:8

Ke ke tokaga ai ki le masaki ko le kilia, o tausi mo fai a nea fuli ala e ako atu loa kia koutou e le kau Levi faisakilifisio : ke kotou tausi loa ti mo kotou fai loa a fakatotonu fuli ala na kau tuku kia latou.

Filipe 1:20

o mulimuli ki loku oli makeke ti mo laku amanaki malie, e leaise kau luma loa i se nea fua, kae i le temi nei ofaipe temi fuli ai, e fakakololia loa Kilisito i loku tino, pe kau mauli, pe kau mate ;

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.