Levitiko 14:10 - Tosi Tapu

¹⁰ I le valu o aso, e too loa e le tagata lena ni akeno lee mele e lua, mo se ovi fafine fetuu tasi mo lee mele, ti mo se moliga nea kai ko kilo falina e iva ala kua lusi ki le lolo ti mo se vaeluai liti lolo.

Levitiko 14:10 ပူးပေါင်းရင်းမြစ်များ

Ekesote 29:40

E ke momoli fakatasi loa mo le uluaki akeno se falina mea, ko le vaega kau agafulu e tasi o le efa, leia kua lusi ki se liti lolo olive tuki e tasi vaelua, ti mo se vino, ko le liti e tasi vaelua.

Levitiko 1:10

Ti kapau ko lana moliga ko se manu ikiiki ki le failaulau, ko se akeno tagata muli pe ko se koti tagata muli, e momoli loa e ia se manu tagata lee mele.

Levitiko 1:3

Kapau ko lana moliga ko se manu lasi ki le failaulau, e momoli loa e ia se manu tagata lee mele ; e momoli loa e ia le manu i le uluaga o le falela tapu, i mua o le Eteleno, ke tali malie loa a ia e le Eteleno.

Levitiko 14:11

E fakatuu loa e le tagata faisakilifisio leia e fai ia le fakamea, le tagata lena mo ana moliga, i mua o le Eteleno, i le uluaga o le falela tapu.

Levitiko 14:12

Ti e too loa e le tagata faisakilifisio le akeno leia e tonu ke momoli ki le sakilifisio fakamalie ti mo le vaeluai liti lolo, ti e momoli loa e ia a nea ana ki le Eteleno.

Levitiko 14:15

Ti e too loa e le tagata faisakilifisio le lolo, o liligi se ga lolo ki lona alofilima sema ;

Levitiko 14:21

Kapau e mativa le tagata lena ti e leaise maua e ia se nea leia ke totogi ai a moliga ala e aoga, e too loa e ia se akeno e tasi ki le sakilifisio fakamalie, ti e momoli loa e ia a ia ki le Eteleno o uiga mo lona fakamea. Ti e too loa e ia se moliga nea kai ko kilo falina e tolu ala kua lusi fakatasi mo le lolo, ti mo se vaeluai liti lolo.

Levitiko 2:1

Kapau e fai loa e se tagata sana moliga nea kai ki le Eteleno, e fai loa e ia lana moliga ki le falina tea ; ti e liligi loa e ia se lolo ki aluga, ti e toe tuku loa e ia ki ai se iseso.

Levitiko 2:11

Aua na kotou fai loa ki le Eteleno se moliga mo se fakatupu ; aua na kotou tutu loa i se aso se nea leia e maua ai se fakatupu pe ko se meli i moliga ala kua tutu e le afi i mua o le Eteleno.

Levitiko 2:13

E ke liligi loa se patai ki au moliga nea kai fuli ; e leaise ke tuku loa lau moliga ke sala patai, talie ko le patai ko le fakamailoga a ia o le sai leia kua fai e le Atua mo koutou. Koia e tonu ai ke ke tuku se patai i aluga o au moliga fuli.

Levitiko 23:13

Ti kotou ave loa a ia mo se moliga nea kai, ko ni kilo falina e ono ala kua lusi ki le lolo, ofaipe se moliga tutu e le afi, ko se nea manogi malie a ia ki le Eteleno ; ti e kotou fai loa se moliga vino, ko se liti e tasi mo se vaelua.

Levitiko 4:32

Ti kapau e momoli e ia ki le Eteleno se ovi fafine ki le fakamolemole o lana agasala, e tonu ke ave loa e ia se ovi fafine lee mele.

Levitiko 9:1

I le valu o aso, na kalagai loa e Moisese a Alone mo ona vosa, ti mo le kau fakamatuatua o Iselaele.

Numelo 28:20

E kotou fakapipiki loa ki manu ana le moliga falina mea leia kua lusi fakatasi mo le lolo : ko kilo falina e iva ki le pipi tagata e tasi, mo kilo falina e ono ki le ovi tagata e tasi,

Numelo 6:14

E ave loa e ia lana moliga ki le Eteleno : ko se akeno fetuu tasi ki le failaulau, mo se ovi fafine fetuu tasi ki le sakilifisio fakamalie, ti mo se ovi tagata lee mele ki le sakilifisio fakafetai ;

Numelo 7:43

Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ;

Mateo 8:4

Na pati loa Sesu kiate ia : Tokaga ke aua na ke fakasa a ia ki se tasi ; kae ke ano, o fakasa a koe ki le tagata faisakilifisio, ti mo ke ave le moliga leia na tosi e Moisese, ke fakamaoki ai kia latou.

Maleko 1:44

o pati kiate ia : aua na ke fakasa fua se nea ki se tasi ; kae ke ano o fakasa a koe ki le tagata faisakilifisio, ti ke momoli o uiga mo lou fakamea le nea leia na fakatotonu e Moisese, o tupu ke fakamaoki kia latou.

Luka 5:14

Na fakatotonu loa e Sesu ki le tagata : Aua na ke toe masau ki se tasi ki le nea lena. Kae ano o fakasa a koe ki le tagata faisakilifisio, ti mo momoli ki lou fakamea le nea leia na fakatotonu e Moisese, ke liliu le nea lena kia latou ko se fakamaoki.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 6:33

talie ko le pane o le Atua ko leia e ifo mei lagi o soli le mauli ki le malama nei.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Uluaki tosi a Petelo 1:19

kae ki le toto mauiga o Kilisito, ofaipe se akeno sala ila mo lee mele ;