Levitiko 12:8 - Tosi Tapu

⁸ Ti kapau e leaise maua e ia se nea leia ke totogi ai se akeno, e too loa e ia ni kulukulu e lua pe ko ni lupe muli e lua, ko se tasi ki le failaulau, ti ko se tasi ki le sakilifisio o le fakamolemole. E fai loa e le tagata faisakilifisio kiate ia le fakamalie, ti e mea loa a ia.

Levitiko 12:8 ပူးပေါင်းရင်းမြစ်များ

Levitiko 1:14

Ti kapau ko lana moliga ki le Eteleno ko se manu lele ki le failaulau, e momoli loa e ia ni kulukulu pe ko ni lupe koi muli.

Levitiko 12:7

E ave loa laua e le tagata faisakilifisio ki mua o le Eteleno, ti e fai loa e ia le fakamalie ; ti e mea loa le fafine i lona toto. Ko le lao a ia ki le fafine leia na fanaui ia se tama pe ko se taine.

Levitiko 13:1

Na masau loa le Eteleno kia Moisese mo Alone, o pati :

Levitiko 14:21

Kapau e mativa le tagata lena ti e leaise maua e ia se nea leia ke totogi ai a moliga ala e aoga, e too loa e ia se akeno e tasi ki le sakilifisio fakamalie, ti e momoli loa e ia a ia ki le Eteleno o uiga mo lona fakamea. Ti e too loa e ia se moliga nea kai ko kilo falina e tolu ala kua lusi fakatasi mo le lolo, ti mo se vaeluai liti lolo.

Levitiko 14:22

Ti e toe too loa e ia ni kulukulu e lua pe ko ni lupe e lua, o mulimuli ki le nea leia e maua e ia, ko se tasi ki le sakilifisio o le fakamolemole, ti ko se tasi ki le failaulau.

Levitiko 15:14

I le valu o aso, e too loa e ia ni kulukulu e lua pe ko ni lupe e lua, ti e ano loa a ia o tuku laua ki le tagata faisakilifisio, i mua o le Eteleno, i le uluaga o le falela tapu.

Levitiko 15:15

E momoli loa e le tagata faisakilifisio se manu lele e tasi ki le sakilifisio o le fakamolemole, ti mo se tasi manu lele ki le failaulau. Ti e fai loa e ia ki le tagata lena i mua o le Eteleno, le tootooga leia e fakamea ia loa a ia i lona masaki fakatagata.

Levitiko 15:29

I le valu o aso, e too loa e ia ni kulukulu e lua pe ko ni lupe e lua, ti e ave loa e ia laua ki le tagata faisakilifisio, i le uluaga o le falela tapu.

Levitiko 4:26

Ti e tutu loa e ia le gako katoa i aluga o le aletale, ofaipe le sakilifisio fakafetai. Ko lena loa le nea leia e tonu ke fai e le tagata faisakilifisio ki le tagata pule ke fakamolemole ai lana agasala, ti e fakamolemole loa a ia e le Eteleno.

Levitiko 5:11

Ti kapau e leaise maua loa e ia se nea leia ke totogi ai ni kulukulu e lua pe ko ni lupe muli e lua, e momoli loa e ia ki lana agasala ni kilo falina tea e fa ; kae e leaise liligi loa e ia se lolo i aluga, pe teki loa e ia i aluga se iseso, talie ko se sakilifisio a ia ki le agasala.

Levitiko 5:7

Ti kapau e leaise maua loa e le tagata se nea leia ke totogi ai se manu ikiiki, pe ko se ovi fafine pe ko se koti fafine, ti e momoli loa e ia ki le Eteleno ki le agasala leia kua visia ai a ia ni kulukulu e lua pe ko ni lupe muli e lua ; e momoli loa e ia se tasi a manu ki le agasala, ti ko le tasi a manu ki le failaulau.

Mateo 21:12

Na ulu loa Sesu ki le fale tapu o le Atua. Na kapu loa e ia latou fuli ala na fai fakatau ti mo totogi koloa i le fale tapu ; na tekai loa e ia a laupapa o le kau fetogi paaga, ti mo ekeekeaga o le kau fakatau lupe.

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.