E ke soli mai loa kiate au le uluaki o lau pipi fafine mo lau ovi fafine ; e nofo loa le uviki i aso e fitu mo lona tinana ; kae i le valu o aso, e ke soli mai loa a ia kiate au.
Ti e toe nofo kelekele loa le fafine i ni iki a aso e kau tolu ke fakamea ai a ia i lona toto ; e leaise lave loa a ia ki se nea leia e tapu, pe ano loa a ia ki le sagatualio, o kaku ki le oki o le temi katoa o lona fakamea.
Na soko loa le valu o aso, leia na tonu ke silikosisio ai le toe, ti na tuku loa kiate ia le igoa ko Sesu, igoa leia na fakasa e le aselo i mua o le fakatupu o le toe i le manava o lona tinana.
Ti na ifo loa mei Sutea ni tagata, ala na akonaki ki fetaina, o pati : Kapau e leaise silikosisio koutou o mulimuli ki le lao a Moisese, ti e leaise mafai ke kotou saofaki.
Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.
Ko leinei le nea leia e kau fia fakasa ia : Ko se sai leia kua fakamaoki e le Atua i mua, e leaise mafai ke toe soloi a ia, ti e leaise toe mafai foki ke fakanoai le fakapapau leia e muli i ai, e le lao leia na tuku kae kua sili ki ai fetuu e kau lelau fa kau tolu.
E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.
Ti kua silikosisio foki koutou iate ia ki se silikosisio leia na leaise fai e le lima o tagata, kae ki le silikosisio a Kilisito, leia ko le fakamativa o le tino fakakanofi :
