Levitiko 12:2 - Tosi Tapu

² Masau ki fanau a Iselaele, o pati kia latou : ka tinae loa se fafine, ti ka fanaui loa e ia se tama, e kelekele loa a ia i aso e fitu ; e kelekele loa a ia ofaipe le temi o lona menise.

Levitiko 12:2 ပူးပေါင်းရင်းမြစ်များ

Senesi 1:28

Na tapuaki loa le Atua kia laua, ti na pati loa le Atua kia laua : Kolua fanaunau, kolua liuliuga, kolua fakaapi le kele, ti kolua pulei a ai ; kolua pule ki ika o le tai, mo manu lele o le lagi, ti mo manu fuli ala e taka i le kele.

Senesi 3:16

Ti na pati loa a ia ki le fafine : E kau fakalasi loa le mamae o ou tinae, ti e ke fanau loa i le mamae, ti e ano loa ou oli ki lou avaga, kae e pule loa a ia kiate koe.

Lua tosi a Samuele 11:4

Ti na kakau loa e Tavite ni tagata avelogo ke afa mai a ia. Na au loa a ia kia Tavite, ti na momoe loa Tavite mo ia. I le oki o lona fakamea, na toe liliu loa Pate-Sepa ki lona kaiga.

Sopo 14:4

Pe feaki loa ke tupu mei se tagata kelekele se tagata mea ? E leaise feala ke tupu meiate ia se fa toka tasi fua.

Sopo 15:14

Kolea le tagata, ke ke pati ai e mea a ia ? Pe feala ke faitotonu leia na tupu mei le fafine ?

Sopo 25:4

Pe feaki loa ke agatonu le tagata i mua o le Atua ? Pe feaki loa ke mea leia na tupu i le fafine ?

Pesalemo 51:5

Talie e kau iloa aku sala : Ti e tuu mau laku agasala i oku mua.

Levitiko 12:1

Na masau loa le Eteleno kia Moisese, o pati :

Levitiko 12:5

Ti kapau e fanaui loa e ia se taine, e kelekele loa a ia i vasaa e lua, ofaipe le temi o lona menise ; ti e nofo loa a ia o fakamea i lona toto i aso e kau ono tupu ono.

Levitiko 15:19

Ka menise loa se fafine, o sali se toto mei lona tino, e kelekele loa a ia i ni aso e fitu. Ti ko leia e lave loa kiate ia, e toe liliu loa a ia o kelekele, ti e kelekele loa a ia o kaku ki le afiafi.

Levitiko 18:19

Aua na ke sufegi loa le telefua o se fafine i lona menise, talie e kelekele a ia.

Levitiko 5:3

Kapau na lave se tagata ki se tasi leia e nofo mo se masaki kelekele leia e kava, kae na leaise iloa e ia i le temi lena ; ti kapau e iloa loa e ia a ia ki muli mai, e agasala loa a ia i le nea lena.

Luka 2:22

Ti i le katoa loa o aso o lola fakamea, o mulimuli ki le lao a Moisese, na ave loa e Sosefo mo Malia le toe ki Selusalemi, ke momoli a ia ki le Aliki,