Levitiko 11:47 - Tosi Tapu

⁴⁷ O tupu ke kotou iloa kesekese ai a manu ala e mea mo manu ala e kelekele, a manu ala e feala ke kai mo manu ala e leaise feala ke kai.

Levitiko 11:47 ပူးပေါင်းရင်းမြစ်များ

Senesi 7:2

E ke too loa kiate koe ni soa manu e fitu i manu mea fuli, se manu tagata mo se manu fafine ; mo se soa manu e tasi i manu kelekele fuli, se manu tagata mo se manu fafine ;

Esekiele 22:26

Kua maumaui e ona tagata faisakilifisio laku lao, ti kua lotou fakakelekele ia oku sagatualio, ti e leaise lotou iloa le kesekese o le nea taputapu mo le nea fakamalama, ti e leaise lotou fakasa ke iloa le kesekese o le nea kelekele mo le nea mea, ti kua lotou fakamaliu olatou mata i aku sapato, ti kua fakalialiai au i loto malie o latou.

Esekiele 44:23

E lotou ako loa loku kakai ke poto i le fakakesekese o le nea leia e maokioki mo le nea leia e fakamalama, ti e lotou fakasa loa ki le kakai le nea leia e mea mo le nea leia e kelekele.

Taniela 1:8

Na fakapapau loa Taniela i lona loto ke aua na fakakelekele a ia ki nea kai a le sau mo le vino leia e inu e ia, ti na kolekole loa a ia ki le pule o le kau enuke ke aua na fakamaua kiate ia ke fakakelekele a ia.

Levitiko 10:10

Aua na kotou inu foki se kava mo ka e tonu ke kotou too ia se tonu ki se nea fakalotu pe ko se nea fakamalama, ki se nea kelekele pe ki se nea mea.

Levitiko 11:46

Ko le lao lena ki manu o le kele, mo manu lele o le lagi, mo manu o le tai, ti mo manu totolo i aluga o le kele,

Levitiko 12:1

Na masau loa le Eteleno kia Moisese, o pati :

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.