Levitiko 11:44 - Tosi Tapu

⁴⁴ Talie ko au ko le Eteleno, ko lokoutou Atua ; e kotou maokioki loa, talie e kau maokioki ; ti aua na kotou kelekele loa i se manu i manu fuli ana ala e totolo i aluga o le kele.

Levitiko 11:44 ပူးပေါင်းရင်းမြစ်များ

Pesalemo 99:5

Kotou fakafetai ki le Eteleno, lotatou Atua, Ti kotou punou i mua o lona tekiaga vae : E maokioki a ia !

Pesalemo 99:9

Kotou fakasa le mafimafi o le Eteleno, lotatou Atua, Ti kotou punou i lona mauga maokioki ! Talie e maokioki le Eteleno, lotatou Atua !

Ekesote 16:12

Kua kau logo ki gugu a fanau o Iselaele. Pati kia latou : I le afiafi e kotou kai loa se kanoi manu, ti i le usu apogipogi, e kotou makokona loa i se pane ; ti e kotou iloa loa ko au ko le Eteleno, ko lokoutou Atua.

Ekesote 19:10

Ti na pati loa le Eteleno kia Moisese : Toe liliu ki le kakai, ti ke pati kia latou ke lotou fakamea i le aso nei mo apogipogi, ti ke lotou fakamea olatou teu.

Ekesote 19:6

e kotou liliu loa kiate au ko se puleaga o tagata faisakilifisio, ko se puleaga maokioki ke tausi kiate au. Ke ke fakasa a masau ana ki fanau a Iselaele.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 22:30

E ke soli mai loa kiate au le uluaki o lau pipi fafine mo lau ovi fafine ; e nofo loa le uviki i aso e fitu mo lona tinana ; kae i le valu o aso, e ke soli mai loa a ia kiate au.

Ekesote 22:31

E kotou liliu loa kiate au ko se kakai maokioki : aua na kotou kai loa se manu leia na tamate e se manu fekai i le vao ; e kotou ti loa a ia ki kuli.

Ekesote 23:25

E kotou tausi loa ki le Eteleno, lokoutou Atua, ti e tapuaki loa a ia kia koutou, e soli atu loa e ia kia koutou le nea kai mo le nea inu, ti e kau fakamamao loa le taumasaki meia koutou.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 43:3

Talie ko au ko le Eteleno, lou Atua, Le Sagato o Iselaele, ko lou Fakamauli ; E kau soli Esipito ko lou totogi, Etiopia mo Sapa ko lou fetogi.

Esaia 51:15

Ko au ko le Eteleno, lou Atua, Leia e lagai ia le tai ti na fakagugulu ia ona galu. Ko lona igoa ko le Eteleno o kau tau.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Levitiko 11:43

Ke aua na kotou fakafeofi ki se manu mate i manu ana, o kotou kavaia loa i ai, talie e kotou kelekele loa. Ti ke aua na kotou tuku a manu ana ke fakafeofi atu kia koutou, o feala ke kotou kavaia loa i ai, talie e kotou kelekele loa.

Levitiko 18:2

Masau ki le kakai o Iselaele, o pati loa kia latou : ko au ko le Eteleno, ko lokoutou Atua.

Levitiko 19:10

Aua na ke tau loa le nea leia e toe i lau vite, ti aua na ke tanaki loa a fuai vite ala kua vivilo ki lalo. E ke tuku loa a nea ana ki le mativa mo le matapule. Ko au ko le Eteleno, ko lokoutou Atua.

Levitiko 19:2

Masau ki le kakai katoa o Iselaele, o pati kia latou : Ke kotou maokioki, talie e kau maokioki, a au, ko le Eteleno, ko lokoutou Atua.

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Levitiko 19:4

Aua na kotou tafoki loa ki ni taulaatua loi, ti aua na kotou fai loa ni atua ki se ukamea saka. Ko au ko le Eteleno, ko lokoutou Atua.

Levitiko 20:26

E kotou maokioki loa kiate au, talie e kau maokioki, a au, ko le Eteleno ; kua kau fakamavae koutou mei atu puleaga, o tupu ke kotou liliu ko loku tofiga totonu.

Levitiko 20:7

E kotou fakamaokioki loa koutou ti e kotou maokioki loa, talie ko au ko le Eteleno, ko lokoutou Atua.

Levitiko 21:8

E ke tio loa ki le tagata faisakilifisio e maokioki, talie e momoli e ia le nea kai o lona Atua ; e maokioki loa a ia kiate koe, talie e kau maokioki, a au, ko le Eteleno, leia e fakamaokioki ia koutou.

Amosi 3:3

Pe saele fakatasi ni tagata e toka lua Kae e leikiaise la tonu tasi ?

Numelo 15:40

E kotou manatui loa i ai aku folafola, ti e kotou fai loa latou, ti e kotou maokioki loa ki lokoutou Atua.

Mateo 5:48

Koia ke kotou malie tukupau, ofaipe lokoutou Tamana i Selo leia e malie tukupau.

Tetelonome 14:2

Talie ko se kakai maokioki a koe ki le Eteleno, lou Atua ; ti kua filifili a koe e le Eteleno, lou Atua, ke ke liliu ko lona kakai alofaina i kakai fuli i aluga o le malama nei.

Uluaki tosi ki le kau Tesalonika 4:7

Talie na leaise kalagai tatou e le Atua ki le mauli fakalialia, kae ki le maokioki.

Sosue 24:19

Na pati loa Sosue ki le kakai : E leaise kotou maua ia loa le makeke ke tausi ki le Eteleno, talie ko se Atua maokioki a ia, ko se Atua fuaa ; e leaise fakamolemole loa e ia akoutou patigataa mo akoutou agasala.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Apokalipisi 22:11

Ko leia e agaveli ke soko atu lana agaveli, ko leia e kelekele ke soko atu lana kelekele ; ti ko leia e agatonu ke soko atu lana agatonu, ti ko leia e maokioki ke soko atu lana maokioki.

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.

Uluaki tosi a Samuele 6:20

Na pati loa le kakai o Pete-Semesi : Ko ai loa e feala ke mauli i mua o le Eteleno, o le Atua maokioki lena ? Ti ko ai loa e tonu ke ave ki ai le aleka, ke mamao mo tatou ?