Levitiko 10:4 - Tosi Tapu

⁴ Ti na kalagai loa e Moisese a Misaele mo Elesafani, ko vosa o Usiele, taina o le tamana o Alone, o pati kia laua : kolua au o ave okoulua fetaina ke mamao i le sagatualio, ki fafo o le nofolaga.

Levitiko 10:4 ပူးပေါင်းရင်းမြစ်များ

Uluaki tosi o Koloniko 6:2

Ko vosa o Keati : ko Amilame, mo Siteseale, mo Epelone, mo Usiele.

Ekesote 33:7

Na siki loa e Moisese le falela, o fakatuu a ia i le tua nofolaga, o mamao i le nofolaga. Na fakaigoa loa e ia a ia ko le falela o le felavei ; ti ko latou fuli ala na fia felavei mo le Eteleno na ano loa ki le falela o le felavei, i tua o le nofolaga.

Ekesote 6:18

Vosa o Keati : ko Amilame, mo Siteseale, mo Epelone, mo Usiele. Ko fetuu o le mauli o Keati ko le kau lelau kau tolu tupu tolu.

Ekesote 6:22

Vosa o Usiele : ko Misaele, mo Elesafani, mo Sitili.

Numelo 3:19

Ko nei a vosa o Keati, o mulimuli ki olatou famili : ko Amilame, mo Isea, mo Epelone, mo Usiele ;

Numelo 3:30

Ko lolatou pule ko Elisafani, vosa o Usiele.

Luka 7:12

Ti kua ofi a ia ki le matapa o le kolo, ko leinei, na amo ki fafo se mate, ko se tama fuatasi o se fafine lokonui ; ti na ano mo ia se kakai toka api o le kolo.

Gaoi 5:6

Na tutuu ake loa ki aluga ni kau tupulaga, o kofu a ia, ti na lotou ave loa a ia, o tanu.

Gaoi 8:2

Na tanu loa e ni tagata lotu malie a Setefano, ti na lotou tagi lasi loa ki lona mate.